12.02.2018 / 11:27

21 лютага — «Арт Сядзіба» ладзіць Свята роднай мовы з гульнямі, падарункамі, музыкай ПРАГРАМА

21 лютага ў свеце адзначаецца Міжнародны дзень роднай мовы. Ён быў абвешчаны UNESCO у 2000 годзе. У гэты дзень ва ўніверсітэтах і клубах праходзяць адмысловыя мерапрыемствы і акцыі, у сацыяльных сетках і СМІ з’яўляюцца шматлікія конкурсы і публікацыі — і ўсё прысвечана беларускай мове.

Арт Сядзіба запрашае адзначаць Свята роднай мовы ў мінскі клуб «Грай» (Інтэрнацыянальная, 33).

Мы хочам паказаць, што беларуская мова не толькі жыве і развіваецца, але натхняе шматлікіх людзей на цікавыя і яскравыя праекты, акрыляе на добрыя справы.

Праграма

17:00 — 20:00 — на другім паверсе будзе праходзіць «Жывая бібліятэка». Гэта незвычайная бібліятэка. Тут замест звыклых нам «кніг» выступаюць жывыя людзі са сваімі гісторыямі, якія гатовы адказваць на любыя пытанні. «Кніга» — гэта жывы чалавек, які мае пэўную ідэнтычнасць, рэдкую прафесію, унікальны досьвед, нязвыклы для «большасці» лад жыцця альбо светапогляды;

17.00 - 21.00 — на другім паверсе будзе праходзіць «Гульнятэка». Кожны жадаючы зможа згуляць у беларускамоўныя настолкі: «Багач», «Казачнік», «Мова» і іншыя;

18:00 — 19:00 — на галоўнай сцэне Ганна Комар прэзентуе першы зборнік вершаў культавага амерыканскага аўтара Чарльза Букоўскі на беларускую мову. Укладальніца і перакладчыца раскажа цікавых фактаў пра Букоўскі, распавядзе пра кнігу і пачытае вершы з яе;

19:00 — 22:00 — у галоўнай зале выступяць беларускія гурты:

  •  Rahis;
  • MIKITA;
  • «Бяз Назвы»;
  • The Superbullz.

17:00 — 22:00 — кожны зможа паставіць свой подпіс пад Першай Устаўной Граматай Беларускай Народнай Рэспублікі, якая з’явілася на свет 100 гадоў таму. Кожны зможа атрымаць копію Устаноўнай граматы сабе на памяць;

18:00 — 20:00 — на другім паверсе для дзетак падрыхтаваная дзіцячая праграма: батлейка і фотазона;

Увесь вечар будзе працаваць кірмаш ад symbal.by і hareza.by

21 лютага, кафэ «Грай» (вул. Інтэрнацыянальная, 3).

😃 Уваход вольны! Але трэба запісацца: па спасылцы або па тэлефоне +375 25 996 93 76.

Каб пакінуць каментар, калі ласка, актывуйце JavaScript у наладах свайго браўзеру