12.02.2018 / 10:42

Пад Мінскам збілі школьніцу. Дзяўчынка перабягала дарогу ў недазволеным месцы 1

Наезд адбыўся 10 лютага прыкладна ў 19.30 у вёсцы Прылукі.

28-гадовы кіроўца на «Фальксвагене Пасат» рухаўся ў напрамку Атоліна, але на вуліцы Міра ў вёсцы Прылукі не паспеў своечасова зрэагаваць, калі на дарогу нечакана выбегла дзяўчынка 2003 года нараджэння. Школьніца перабягала праезную частку ў недазволеным месцы злева направа па ходзе руху аўтамабіля.

У выніку здарэння падлетак атрымала цялесныя пашкоджанні і была шпіталізаваная.

— Пацярпелая атрымала несур'ёзныя траўмы. Па факце праводзіцца праверка, будуць праводзіцца следчыя эксперыменты. Кіроўца быў цвярозы, — распавяла sb.by афіцыйны прадстаўнік ДАІ Мінскага раёна Кацярына Сільчанка.

У ДАІ адзначылі, што ўчастак дарогі, на якім адбылося ДТЗ, не быў асветлены. А пацярпелая была пазначаная святлоадбівальнымі элементамі.

0
цень макарона / Адказаць
13.02.2018 / 00:21
Прачытаў загаловак і падумаў, што адлупцавалі за тое, што перабягала дарогу ў неналежным месцы. Аказалася, збіў аўтамабіль. Наогул у населеных пунктах аўтосікам найлепш каціцца. Выйгрышу ў хуткасьці няма і так, і так, а праблем і пешаходам, і веласіпедыстам, і найперш самім кірунам. Бо мог бып быць і з грашыма, і на свабодзе, а так у стрэсе, грошы пакладзеш і, бывае, яшчэ ў казённы дом павязуць.
Каб пакінуць каментар, калі ласка, актывуйце JavaScript у наладах свайго браўзеру