12.02.2018 / 22:34

У Еўропе ліквідавалі банкаўскую таямніцу 17

У Еўропе больш няма банкаўскай таямніцы, аб любым адкрытым, напрыклад, у Швейцарыі, рахунку адразу становіцца вядома падатковым органам, заявіў у панядзелак еўракамісар па эканоміцы і фінансах П'ер Маскавісі.

«З банкаўскай таямніцай ў Еўропе скончана. Калі хтосьці валодае рахункам у Швейцарыі, адбываецца аўтаматычны абмен інфармацыяй, гэта значыць мы пра гэта адразу даведаемся», — заявіў еўракамісар, выступаючы на канале France2.

П'ер Маскавісі.

Ён таксама нагадаў, што дамоўленасці аб абмене інфармацыяй былі падпісаны, акрамя Швейцарыі, з Ліхтэнштэйнам, Сан-Марына, Андорай і Манака.

Савет міністраў эканомікі і фінансаў краін Еўрасаюза (Экафін) раней ухваліў рашэнне аб пашырэнні спісу даходаў падаткаплацельшчыкаў ЕС, па якіх падатковыя органы краін саюза павінны былі пачаць аўтаматычна абменьвацца інфармацыяй не пазней за другую палову 2017 года. Пад аўтаматычны абмен інфармацыяй падатковымі службамі падпалі працэнты, дывідэнды, выручка ад продажу фінансавых актываў, а таксама звесткі аб рэштках на рахунках.

У пачатку лютага еўракамісар па фінансах П'ер Маскавісі заяўляў, што, нягледзячы на адсутнасць еўрапейскіх краін ва ўхваленым ЕС на пачатку года «чорным спісе» падатковых гаваняў, у Еўропе ўсё яшчэ застаюцца «чорныя дзіркі» ў сферы падатковага адміністравання.

0
Андрэй Люты / Адказаць
12.02.2018 / 22:47
Мiж iншым, Швейцарыя не ўваходзiць у ЕС ...
8
Веравойша / Адказаць
13.02.2018 / 00:19
Гэта для шанец для Беларусі - стаць новай Швейцарыяй
5
Колька / Адказаць
13.02.2018 / 00:32
я бы выпустил Декрет устанавливающий банковскую тайну и пригласил бы крупнейшие банки открыть филлиалы. по сути Швейцария потеряла то, за счет чего она существовала.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру