Пра гэта Аляксандр Лукашэнка заявіў сёння на пасяджэнні Рады бяспекі, піша БелТА
«Калі ўвогуле казаць, мы вельмі сур'ёзна ў АДКБ недаацэньваем небяспеку бягучай сітуацыі. Расія сама па сабе мадэрнізуе ўзброеныя сілы. Мы нешта спрабуем разам з іншымі членамі ўзбройвацца, мадэрнізавацца і гэтак далей. Кожны сам па сабе», — заявіў ён.
Асноўны цяжар па абароне агульнай прасторы ў выпадку неабходнасці, натуральна, ляжа на Расію. «Але сур'ёзнага разумення ў кіраўніцтва Расіі сёння таго, што трэба на найбольш небяспечных кірунках нашай агульнай сумеснай абароны ўмацоўваць нацыянальныя ўзброеныя сілы — Беларусі, Казахстана, Арменіі, іншых краін, — такога разумення няма. І гэта вельмі балюча можа адгукнуцца», — падкрэсліў беларускі кіраўнік.
«Я не ў тым плане, што мы хочам чарговы раз, як у іх прынята казаць, патрабуем нейкіх грошай на нейкія мерапрыемствы. Але трэба разумець, што, дапусцім,
Беларусь з'яўляецца асноўным фарпостам, у тым ліку і Расійскай федэрацыі, на заходнім напрамку, — растлумачыў кіраўнік дзяржавы. — А тут сёння найбольш небяспечны кірунак.
Хоць і канцэнтрацыя негатыўных з'яў у Афганістане не можа супакойваць нас і на паўднёвым кірунку».
«Таму ў гэтым сэнсе нам вельмі сур'ёзна, па меншай меры, пасля прэзідэнцкіх выбараў у Расіі, трэба падумаць і прымаць рашэнне. Нам трэба вельмі сур'ёзна не проста мадэрнізаваць нашы ўзброеныя сілы, а трэба ўдасканальваць і больш актыўна прыстасоўваць да магчымых баявых дзеянняў. Магчымым. зыходзячы з вопыту вядзення войнаў і канфліктаў у сучасны час», — заявіў кіраўнік дзяржавы.
Аляксандр Лукашэнка падкрэсліў, што ў сувязі з гэтым асаблівае значэнне мае стратэгічнае партнёрства з Расіяй. «Нягледзячы на розныя дадумкі, інфармацыйную шуміху, роўна і спакойна праведзена сумеснае стратэгічнае вучэнне «Захад-2017». У цяперашні час сумесна выпрацоўваюцца меры па зняцці перашкодаў у памежнай і мытнай сферы, у галіне візавай палітыкі і іншыя», - сказаў ён.
