14.02.2018 / 14:22

У Ташкенце ўсталявалі барэльеф Якубу Коласу ФОТАФАКТ 1

Ва Узбекістане паэт з жонкай і двума сынамі жылі ў эвакуацыі. Барэльеф і адноўленую мемарыяльную можна пабачыць на фасадзе будынка праектнага інстытута «Цяжпром» на вуліцы Пушкіна.

У тым будынку ў Ташкенце падчас вайны размяшчаліся многія эвакуяваныя літаратары, у тым ліку са жніўня 1941 па лістапад 1943 года і Якуб Колас.

Мемарыяльная дошка ў гонар пісьменніка размяшчалася там і раней, аднак падчас рэканструкцыі вонкавых частак будынка была знятая. На месца вярнулася толькі цяпер — ужо разам з устаноўкай і барэльефа. Які, з удзячнасцю ўдакладніла дырэктар Коласаўскага музея ў Мінску Зінаіда Камароўская, быў выкананы адмыслова да гэтай падзеі загадчыцай кафедры дызайну Ташкенцкага архітэктурна-будаўнічага інстытута Марынай Барадзіной.

0
Госць / Адказаць
15.02.2018 / 13:40
Добрая навiна.
Каб пакінуць каментар, калі ласка, актывуйце JavaScript у наладах свайго браўзеру