Міністэрства фінансаў ЗША прапрацоўвае санкцыі ў дачыненні да алігархаў і дзяржаўных дзеячаў, якія згаданыя ў адкрытай частцы «крамлёўскага дакладу», заявіў кіраўнік ведамства Стывен Мнучын на слуханнях камітэта па фінансах сената ЗША.
«Мы актыўна працуем над расійскімі санкцыямі, якія стануць вынікам адкрытай часткі дакладу», — паведаміў міністар.
Напярэдадні выданне Politico пісала, што Кардзін і два іншыя сенатары-дэмакраты падрыхтавалі праект рэзалюцыі з заклікам да прэзідэнта ЗША Дональда Трампа зрабіць больш жорсткімі санкцыі супраць Масквы. Палітыкі абвінавацілі Белы дом у несур'ёзным стаўленні да «крамлёўскага дакладу».
Крамлёўскі даклад, які змяшчае звесткі аб высокапастаўленых службовых асобах і бізнэсменах Расіі, быў прадстаўлены кангрэсу 29 студзеня. Частка яго засакрэчаная. Публічная частка — спіс з чыноўнікаў, дэпутатаў, а таксама расійскіх бізнэсменаў, багацце якіх перавышае $ 1 мільярд. Усяго ў спісе 210 чалавек.
