Прэзідэнт Паўднёва-Афрыканскай Рэспублікі Джэйкаб Зума ў тэлезвароце да нацыі абвясціў пра сыход у адстаўку.
Напярэдадні кіруючы Афрыканскі нацыянальны кангрэс (ANC) даў прэзідэнту два дні на тое, каб пакінуць пасаду. У адваротным выпадку ён будзе зняты з пасады, прыгразілі у ANC.
75-гадовы Зума раней адмовіўся пакінуць сваю пасаду, заявіўшы, што яму ніхто не растлумачыў, чаму яго адстаўкі патрабуюць менавіта цяпер.
У апошні час кіруючая партыя знаходзілася пад беспрэцэдэнтным ціскам з-за скандалу вакол марнатраўства дзяржмаёмасці. Зуму з 2014 года абвінавачвалі ў карупцыі, ён паслядоўна адмаўляў сваю віну.
Гаворка ідзе пра тое, што кіраўнік дзяржавы не вярнуў у казну частку сродкаў, выкарыстаных для рамонту свайго прыватнага дома — у прыватнасці, для будаўніцтва басейна і амфітэатра.
Зума выдаткаваў на рамонт звыш 20 мільёнаў даляраў.
Паліцыя Паўднёва-Афрыканскай Рэспублікі тым часам працягвае антыкарупцыйнае расследаванне сувязяў Зумы з ўплывовай сям'ёй Гупта: у сераду па гэтай справе былі затрыманыя некалькі чалавек.