15.02.2018 / 15:16

Лукашэнка пра беларускі футбол: Усюды правал. Вам не сорамна? 33

Трэнерам Беларусі павінна быць сорамна за стан футбола ў краіне. Пра гэта заявіў сёння Аляксандр Лукашэнка, заслухоўваючы даклад па пытаннях падрыхтоўкі трэнерскіх кадраў і развіцця дзіцяча-юнацкага футбола.

«Я проста хачу пабудаваць нашу гутарку з пытання, ці сорамна вам за той стан футбола, які мы сёння маем у краіне. Напэўна, павінна быць сорамна», — сказаў Аляксандр Лукашэнка.

Кіраўнік краіны звярнуў увагу, што дзяржава робіць усё для развіцця гэтага віду спорту. Курыруе гэты напрамак кіраўнік найлепшага ў краіне банка, які паспяхова рэалізуе самыя розныя праекты. «Адзін праект, правалены ім, — гэта футбол. А вы дзе былі? Ён жа, груба кажучы, у вас «дах» — падстрахаваць, арганізаваць, яшчэ нешта. А вырашаць праблемы ёсць каму», — мяркуе кіраўнік дзяржавы.

Аляксандр Лукашэнка заўважыў, што няўдала выступае не толькі асноўная дружына Беларусі, але і моладзевыя зборныя. «Усюды правал. Самы масавы, самы любімы від спорту, для якога, па вялікім рахунку, каб навучыцца гуляць, нічога не трэба», — канстатаваў ён.

Акрамя таго, неабходна рэарганізаваць Беларускую федэрацыю футбола, дадаў кіраўнік дзяржавы. «Трэба знайсці талковых людзей, стварыць добрую федэрацыю, якая будзе дапамагаць, кантраляваць, падтрымліваць, і ўзяць на кантроль трэнераў», — паставіў задачу ён.

0
Хемуль / Адказаць
15.02.2018 / 15:26
Надо быстренько организовать пасхальный турнир по футболу среди ветеранов на призы прызидэнта. Пусть игрок под номером 01 в чёрном шлеме покажет, как забивать всяким немцам и бразильцам.
1
не не / Адказаць
15.02.2018 / 15:33
только сам не возьмись за футбол -- молоко пропадёт, ответственный ты "наш"
1
ales' / Адказаць
15.02.2018 / 15:37
А кіраўніку Нацыянальнага Алімпійскага Камітэта Беларусі не сорамна ? Нуль медалёў узялі, куды не зірні - правал !
"Напэўна, павінна быць сорамна" (с)
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру