16.02.2018 / 16:26

У Беларусі з'явіўся атрад расійскай «Юнарміі». Як так адбылося? 35

Смаленскія СМІ паведамляюць, што на тэрыторыі Беларусі сфармаваны атрады расійскага руху «Юнармія» — яны ўдакладняюць, што гэты атрад стаў «першым».

Беларускі атрад з 26 чалавек, маўляў, далучыўся да смаленскага рэгіянальнага аб'яднання гэтай арганізацыі — цырымонія пасвячэння адбылася ў Баранавіцкім раёне 10 лютага.

Фота smolensk-i.ru

«Юнармія» — гэта расійскі праект, у нечым падобны да піянерыі, але тут ухіл робіцца на мілітарыстычны складнік: курыруе «Юнармію» асабіста міністр абароны Сяргей Шайгу, які абяцае сябрам аб'яднання ўсе магчымасці па ваеннай падрыхтоўцы: «Будзеце страляць з усяго, апроч ракет». Асобнымі рэгіянальнымі арганізацыямі кіруюць людзі, звязаныя з «ЛДНР».

Герб «Юнарміі» — профіль арла, маюць яны і сваю ўніформу. 

Фота ТАСС

У Расіі налічваецца ўжо каля 100 тысяч «юнармейцаў», але што там робіць атрад з Беларусі? 

Як выяснілася, беларусаў у тым атрадзе няма — гэта дзеці расійскіх вайскоўцаў, якія служаць пад Ганцавічамі ў ваеннай часці 03522 і абслугоўваюць радыёлакацыёную станцыю Волга. 

АЯ

0
Пацыфіст / Адказаць
16.02.2018 / 16:35
Гэта не "Белы легіён", а нешта небяспечнае для Беларусі, ды яшчэ з "крышей" зверху!!!
1
хатынец / Адказаць
16.02.2018 / 16:36
Уладзімір Уладзіміравіч вырашыў цалкам паўторыць шлях Адольфа Алаізыча? Судэты паўтарыў Крымам, Гітлерюгенд – во вам, трымайця. Засталіся толькі Гляйвіц ды Трэцяя сусветная?
1
шэры воўк / Адказаць
16.02.2018 / 16:41
5-я калона пад эгідай КДБ і Лукашэнкі ?
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру