Дызайнеры брэнда Карына Адзесенка і Павел Доўнар паклалі ў аснову калекцыі візуальную спадчыну БНР. Тут можна ўбачыць і карту рэспублікі, і Устаўную грамату, і марку з «Пагоняй».
Нешта для сябе тут могуць знайсці як хлопцы, так і дзяўчаты. Сярод прадстаўленых мадэляў як джэмперы, кашулі, так і нагавіцы, сукенкі і нават паліто.
Вось такія дэталі ўпрыгожваюць спіну.
«Мы не маглі абмінуць такую значную для беларускага народа падзею — абвяшчэнне незалежнасці БНР. Лічу, што без гэтай ініцыятывы мы сёння не мелі б сваёй уласнай дзяржавы. І дзіўна выглядае пасіўная пазіцыя кіраўніцтва сучаснай Беларусі ў справе святкавання гэтага юбілею. Застаецца спадзявацца толькі на ўласнае жаданне неабыякавых людзей! І хочацца папрасіць беларусаў аб’яднацца вакол гэтай даты і ствараць разнастайныя ініцыятывы, запукаць праекты, рэалізоваўць крэатыўныя ідэі да стагоддзя БНР!» — распавёў marketing.by заснавальнік Honar Павел Доўнар.
Кошты на світшоты пачынаюцца ад 89 рублёў, а вось паліто абыдзецца амаль у 300.
