Getty Images
Амерыканская пракуратура абвінаваціла 13 грамадзян Расіі ў тым, што яны ўмешваліся ў палітычныя працэсы ў ЗША, у тым ліку і ў прэзідэнцкія выбары.
Як паведамляе агенцтва Reuters, амерыканская пракуратура апублікавала абвінаваўчае заключэнне, зыходзячы з якога 13 грамадзян Расіі лічацца падазраванымі ва ўмяшанні ў прэзідэнцкія выбары ў ЗША. Поўны спіс падазраваных апублікаваны на сайце Мінюста ЗША.
У ліку фігурантаў — Яўген Прыгожын, якога называюць «кухарам Пуціна», а таксама «Агенцтва інтэрнэт-даследаванняў» (фабрыку троляў).
