Эмануэль Макрон патлумачыў, што ён хацеў бы «даць усім маладым людзям прамы досвед працы з арміяй і яе патрабаваннямі». Падчас кампаніі будучы прэзідэнт Францыі сцвярджаў, што гэта абудзіць у маладых французаў пачуццё патрыятызму і сацыяльнай салідарнасці.
Плануецца, што абавязковая ваенная служба будзе доўжыцца ад трох да шасці месяцаў. Калі закон уступіць у сілу, кожны год ад 600 да 800 тысяч французаў будуць праходзіць вайсковую службу.
Рашэнне Эмануэля Макрона выклікала раскол у французскім урадзе, аднак прэзідэнт Францыі не мае намеру адмаўляцца ад свайго перадвыбарчага абяцання. Падрабязная інфармацыя пра рашэнне будзе прадстаўлена ў красавіку. Абавязковая ваенная служба будзе адноўлена з 2019 года.
Эмануэль Макрон — першы сучасны прэзідэнт Францыі, які не мае вайсковай падрыхтоўкі. Калі ён дасягнуў адпаведнага ўзросту, у Францыі не было абавязковай вайсковай службы.