18.02.2018 / 14:53

Лукашэнка — Парашэнку і Пуціну: «Вы не разлічвайце на тое, што я чыйсьці буду» 33

Архіўнае фота ТАСС.

Аляксандр Лукашэнка падкрэсліў, што калі б Беларусі даручылі згуляць нейкую ролю ва ўрэгуляванні канфлікту ва Украіне, яна б выконвала ўсё неабходнае, не займаючы чыюсьці пазіцыю.

Пра гэта Аляксандр Лукашэнка заявіў сёння журналістам пасля галасавання на выбарах у мясцовыя Саветы дэпутатаў, перадае БЕЛТА.

«Я нават казаў абодвум прэзідэнтам, Парашэнку і Пуціну: вы не разлічвайце на тое, што я чыйсьці буду. Я буду выразна выконваць тое, пра што вы, два прэзідэнты, дамовіцеся: стаць паміж — я стану, дамовіцеся вывесці 10 тысяч узброеных сілаў Беларусі — мы паставім іх на мяжы, дзе вы скажаце, — вобразна выказаўся Лукашэнка. — Але я не змагу зрабіць тое, пра што вы не дамовіцеся».

Пазіцыя Беларусі, падкрэсліў Аляксандр Лукашэнка, сумленная і шчырая. «У адваротным выпадку з нашай міратворчасці толку не будзе, калі мы зоймем чыюсьці пазіцыю», — заявіў кіраўнік дзяржавы.

Ён сказаў, што яшчэ ў першы год канфлікту Беларусь накіравала свае прапановы, як яго можна ўрэгуляваць. Аднак высокапастаўленыя чыноўнікі з Бруселя ў той час не прынялі іх. «І я цяпер лічу, што многія еўрапейцы зацікаўленыя ў гэтым канфлікце, як бы яны сябе ні прадстаўлялі міратворцамі. Калі б прынялі — быў бы варыянт, — перакананы Лукашэнка. — Сёння вярнуліся да палавіністага варыянту таго, што я прапаноўваў: давайце і беларусаў ўключым (гэта НАТА прапануе), таму што ім нібыта давярае Расія».

4
Мікола))) / Адказаць
18.02.2018 / 14:58
ды ўсе ведаюць чый ты (а менавіта расійскі).
1
ха-ха! / Адказаць
18.02.2018 / 15:00
Суседзі не могуць удзельнічаць у міратворчай місіі, міжнароднік.
4
Гопник / Адказаць
18.02.2018 / 15:05
Не надо себе цену набивать, ты давно в кармане у кремля. И нам не нужны эти "миро-кремлетворческие" компании, для этого есть ОНН и ОБСЕ
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру