18.02.2018 / 18:02

У Лясным дама з камісіі і людзі ў цывільным адвезлі назіральніка-пратэстанта праверыць на наркотыкі і абвінавацілі ў лаянцы 23

Арцём Скарабагаты быў незалежным назіральнікам на ўчастках №3 у Бараўлянах і №2 пасёлку Лясны, яны месцяцца ў адным будынку ў мясцовым Доме культуры аграгарадка Лясны, што пад Мінскам.

«Арцёма пасадзілі ў машыну і ён паспеў мне патэлефанаваць. Сказаў, што невядомыя ў цывільным вывелі яго з будынка. Не прадстаўляліся, дакументы не паказвалі, запхнулі ў аўтамабіль. Больш распавесці не паспеў. Цяпер у Арцёма выключаны тэлефон», — паведаміў «Нашай Ніве» брат Арцёма Скарабагатага.

Крысціна Шаблоўская, намесніца старшыні камісіі на Бараўлянскім участку, сказала, што яна сама выклікала міліцыю — Скарабагаты нібыта перашкаджаў камісіі працаваць.

«Парушаў правапарадак, гучна размаўляў, уступаў у нецэнзурную лаянку з наведнікамі. Мы вымушаныя былі выклікаць органы ўнутраных спраў», — сказала Шаблоўская.

Яна запэўніла: прыехалі людзі ў форме, складалі на назіральніка пратакол. Далей за лёсам Скарабагатага яна не сачыла, ці выводзілі яго кудысьці людзі ў цывільным не бачыла, бо «сёння ж выбары, на ўчастку шмат народу».

Пазней, стала вядома, што Арцёма адвезлі ў аддзяленне міліцыі ў аграгарадок Сеніцу. Па словах сваякоў Скарабагатага, там хлопца «праверылі на псіхатропныя рэчывы, нічога не знайшлі і сказалі, што ў панядзелак 19 лютага будуць судзіць за лаянку матам».

Ноч Арцём Скарабагаты правядзе пад вартай.

Скарабагатыя — гэта вядомая шматдзетная сям'я. Яны беларускамоўныя, а па веравызнанні — пратэстанты.

УШ

1
интересующийся / Адказаць
18.02.2018 / 17:34
Никого милиция или люди в цивильном не задерживали на тех участках. где карусельщиков обнаружили и где бюллетени выдали не проживающим на территории этого избирательного участка? 
1
В) / Адказаць
18.02.2018 / 17:41
у гэтай краіне трэба заўсёды хадзіць, ездіць, працаваць, назіраць з відэарэгістратарам. а лепей маць некалькі прылад для запісу відэа і адразу рабіць жывы стрым у сацсеткі ці ютуб, бо інакш не атрымаецца даказаць хлусню з боку старшынь камісій, улады, і праваахоўнікаў.
3
ау / Адказаць
18.02.2018 / 17:43
это все, что нужно знать про это шоу
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру