19.02.2018 / 15:11

Створаны графенавы фільтр, які можа ачысціць нават марскую ваду 9

Аўстралійская каманда навукоўцаў з Дзяржаўнага аб'яднання навуковых і прыкладных даследаванняў прадставіла танны метад фільтрацыі вады (нават марское) на аснове адной з разнавіднасцяў графену — матэрыялу, які атрымаў назву GraphAir. Даследаванне было апублікаванае ў часопісе Nature Communications.

У адрозненне ад звычайнага графену, які атрымліваюць у выніку энергаёмістага хімічнага працэсу, GraphAir вырабляецца з соевага алею — недарагога і аднаўляльнага матэрыялу, з якога навукоўцы могуць атрымліваць тонкія графенавыя плёнкі.

У ходзе ачысткі вадкасць праходзіць праз нанаканалы, якія ёсць у гэтай плёнцы, і ачышчаецца ад забруджванняў. Навукоўцы паведамляюць, што іх матэрыял здольны на 100% адфільтроўваць солі, што змяшчаюцца ў вадкасці, а таксама іншыя забруджванні бытавога паходжання.

Прадэманстраваць эфектыўнасць свайго GraphAir-фільтра спецыялісты вырашылі ў знакамітай Сіднэйскай бухце, ачысціўшы ўзяты з яе ўзор вады. Для гэтага яны ўсталявалі плёнку GraphAir на звычайны мембранны фільтр вады, які можна знайсці ў любой краме. Усяго аднае працэдуры фільтрацыі аказалася дастаткова для таго, каб зрабіць ваду даступнай для піцця.

Акрамя таго, было выяўлена, што графенавыя плёнкі забруджваюцца больш павольна, чым мембраны звычайных фільтраў. Пры гэтым даследчыкі кажуць, што тэхналогія не патрабуе вялікіх выдаткаў.

Даследнікі адзначаюць, што ў свеце каля 2,1 мільярда чалавек не маюць доступу да чыстае пітное вады. Іх распрацоўка можа дапамагчы ўсім гэтым людзям.

nn.by

1
Žvir / Адказаць
19.02.2018 / 15:33
Vo, hetuju pryladu treba ūžyvac` na vyratavaļnych srodkach marskich sudoū (šliupki, plyty).
1
Ліцьвін / Адказаць
19.02.2018 / 15:35
"каб зрабіць ваду даступнай для піцця". А можа "прыдатнай для піцця"?
21
Васисуалий Лоханкин / Адказаць
19.02.2018 / 16:39
Глупости пани добродею ..)
Как говорил один герой стародавней пьесы ..)
Этой проблемой занимаются военные уже сотню лет , а там не глупые люди сидят и денег на это тратиться не меряно  !
Морскую воду можно опреснить , но в этом случае она становиться радиоактивной ...

Для очистки воды с колодцев и речной её применить можно , но от соли она не избавит.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру