20.02.2018 / 10:33

Дзяржава плануе стварыць даведкавы партал Правапiс.бай на ўзор расійскай Грамоты.ру 10

Дырэктар Інстытута мовазнаўства імя Я. Коласа Цэнтра даследаванняў беларускай культуры, мовы і літаратуры НАН Беларусі Ігар Капылоў на прэс-канферэнцыі, прысвечанай Міжнароднаму дню роднай мовы, падзяліўся планамі мовазнаўцаў на 2018 год, перадае карэспандэнт агенцтва «Мінск-Навіны».

«Мы адчуваем сёння вострую неабходнасць у стварэнні электроннай даведачна-інфармацыйнай службы Правапiс.бай на ўзор расійскага партала Грамота.ру для папулярызацыі роднай мовы», — заявіў Ігар Капылоў.

Грамота.ру — зручны партал, на якім любы ахвотны можа задаць любое пытанне па функцыянаванні мовы і атрымаць кваліфікаваны адказ ад найлепшых моўных спецыялістаў. На сайце таксама багата слоўнікаў, даведнікаў, зручны пошук. 

Таксама сёлета рыхтуецца да выхаду першы «Французска-беларускі слоўнік прававой лексікі». Да канца года плануецца выданне «Італьянская-беларускага слоўніка», а потым і «Беларуска-італьянскага». «Французска-беларускі слоўнік літаратурнай лексікі», як чакаецца, пабачыць свет у 2019-м. Пачалася работа над Беларуска-ангельскай слоўнікам, прызначаным для дыяспары суайчыннікаў, якія жывуць у англамоўных краінах. Запланаваны выхад і пяцітомнага слоўніка сінонімаў.

0
Васіль Шэлехаў / Адказаць
20.02.2018 / 11:57
У нас жа кірылічныя старонкі ў даменах .бел а не .бай, ці бай таксама маецца?
16
Поймите правильно / Адказаць
20.02.2018 / 12:03
Только чтоб не допускали нерусских буков как в метро, вот этого всего. Одного англо-американского "и" в белорусском больше, чем достаточно.
2
Пацыфіст / Адказаць
20.02.2018 / 12:45
Напэўна наспела пара стварыць ТРАСЯНСКА - БЕЛАРУСКІ слоўнік!!!
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру