21.02.2018 / 23:11

Кіраўнічая партыя Польшчы выносіць тэму рэпарацый ад Германіі на пляцоўку Еўрапарламента 52

Дэпутаты Еўрапейскага парламента ад кіруючай у Польшчы партыі «Права і справядлівасць» маюць намер адкрыць абмеркаванне атрымання рэспублікай рэпарацый ад Германіі за шкоду ў Другой сусветнай вайне на палях Еўрапейскага парламента (ЕП). Для гэтых мэтаў на наступным тыдні яны правядуць у ЕП канферэнцыю пад назвай «Рэпарацыі за Другую сусветную вайну. Праблема для Германіі сёння».

«Важна зрабіць гэтую тэму здабыткам грамадскасці, больш шырока паказаць, як трактавалася [становішча] Польшчы і іншых краін пасля Другой сусветнай вайны, падкрэсліць праблему страт Польшчы, — ацаніў польскі дэпутат Аркадыуш Муларчык, які займаецца ў парламенце пытаннем рэпарацый.

«Мы паважаем Германію як краіну, як нашага партнёра ў ЕС, нас шмат што аб'ядноўвае, калі казаць пра эканамічную палітыку. Але ёсць незавершаныя справы, якія ўплываюць на польска-нямецкія адносіны і павінны быць вырашаны цывілізаваным шляхам», — адзначыў дэпутат.

Адказваючы на галасы крытыкаў пра тое, што размова аб рэпарацыях з пункту гледжання міжнароднага права не мае сэнсу і толькі псуе адносіны дзвюх краін, Муларчык паказаў, што Нямеччына дагэтуль выплачвае грошы ахвярам Халакосту. «І гэта не псуе адносіны Германіі і Ізраіля, а, наадварот, умацоўвае іх», — адзначыў ён.

Тэма рэпарацый пачала абмяркоўвацца ў Польшчы з ліпеня, калі лідар кіруючай у краіне партыі «Права і справядлівасьць» Яраслаў Качыньскі заявіў, што краіна ніколі не адмаўлялася ад кампенсацый з боку Германіі. Міністр нацыянальнай абароны Антоній Мацярэвіч паведаміў у эфіры Польскага тэлебачання, што з прававога пункту гледжання Варшава мае ўсе падставы патрабаваць ад Берліна рэпарацый. Ва ўрадзе Германіі неаднаразова адзначалі, што не бачаць падстаў для якіх-небудзь выплат, таму што ў 1953 годзе Польшча афіцыйна адмовілася ад рэпарацый.

18
Dr. Leper / Адказаць
21.02.2018 / 23:22
Сдается мне, Качиньский плохо кончит. Совсем от реальности оторвался.
18
Mentali Bela / Адказаць
21.02.2018 / 23:48
США и ЕС за 27 лет уже влили в Польшу пол триллиона если не под триллик. Всё ! какие ещё репарации. поляки уже не знают чем ещё воспользоваться чтобы за так незаслуженное прихватить. Беларусь вот вообще ничего не требует от Германии. зажрались.
13
Памяркоўны / Адказаць
21.02.2018 / 23:49
Аёй, чуе маё сэрца, застанецца Польшча без парткоў, і без Брэслаў з Данцыгам, далібог, застанецца...
Паказаць усе каментары/ 52 /
Каб пакінуць каментар, калі ласка, актывуйце JavaScript у наладах свайго браўзеру