06.10.2008 / 10:52

Забі ў сабе Данііла Хармса 5

Пра кнігу Веры Бурлак і Віктара Жыбуля «Забі ў сабе Сакрата!».


Віктар Жыбуль і Вера Бурлак
Забі ў сабе Сакрата! Вершы. Вера Бурлак, Віктар Жыбуль. Менск: Галіяфы. 2008 – 95 с. 300 ас.

Падчас прэзэнтацыі кнігі, якая адбылася ў пятніцу ў Музэi гiсторыi беларускай лiтаратуры, пасьля выступу Веры Бурлак і Віктара Жыбуля крытык Уладзімер Гніламёдаў зазначыў, што крыху недарэчна дэклямаваць вершы, якія насьледуюць паэта, што тварыў 70 гадоў таму. Неактуальна, маўляў.

Варта пагадзіцца, што сапраўды новы зборнік «Забі ў сабе Сакрата!» шмат чаго ўзяў ад Данііла Хармса. Але дзеля справядлівасьці зазначым, што сапраўднае адкрыцьцё Хармса адбылося гадоў 15 таму, а не 70, у часы перабудовы. Гэты неардынарны расейскі паэт быў рэпрэсаваны ў 41-м, і большасьць ягоных вершаў была пахаваная пад пылам архіваў. Але ж найгалоўная прычына таго, што ніхто не ўспамінаў пра ягоныя творы, пэўна, у тым, што Данііл Хармс быў не зразуметы сучасьнікамі, бо шмат у чым выпярэджваў свой час.

Гэта ж падумаць — Данііл Хармс тварыў у такія непрасунутыя гады, калі нават Яго Бацькоўскай Вялікасьці Хорхе Люіса Борхеса яшчэ толкам не было!

Калі літаратуру прыпадабняць да нівы, дзе павінна каласіцца толькі пажыўна-актуальнае, дык жыбулёўскія і бурлакоўскія вершы крытыка чамусьці параўноўвае зь недарэчна-яршыстым пустазельлем. Але ж лепей — з макам-самасейкай ці васількамі. Бо менавіта яны, адцяняючы і кантрастуючы з гонкімі шыхтамі калосься, надаюць масіву належную аб’ёмнасьць і пагляднасьць.

Творчасьць сямейнай пары Віктара Жыбуля і Веры Бурлак — валашковыя вочы белліту. Чалавек мае права забіць у сабе Сакрата. Верш мае права расьці ні на чым і ў нікуды.

Лявон К

0
Алесь / Адказаць
06.10.2008 / 12:23
Забі ў сабе графамана!
0
Алесь / Адказаць
06.10.2008 / 12:24
Забі ў сабе графамана!
0
Не! / Адказаць
06.10.2008 / 14:10
Забіваць у сабе Хармса не зьбіраюся. Мне вельмі падабаецца яго досьвед са сьмярдзючымі гнілымі капуснымі качарыжкамі. У наступны раз, калі у кватэры пачнецца ператрус, абавязкова адчыню скрыню з гэтым смуродам. Думаеце,вытрымаюць?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру