Кіраўніцтва аргкамітэта па стварэнні Партыі БХД атрымала адказ з Міністэрства юстыцыі за подпісам намесніка міністра І. Тушынскага на сваю заяву аб рэгістрацыі БХД, пададзеную 22 студзеня 2018 года, паведамляе прэс-служба партыі.
У адказе паведамляецца: у сувязі з тым, што Мінюсту патрэбныя дадатковыя дакументы для прыняцця рашэння, Міністэрства «прыпыняе дзяржаўную рэгістрацыю БХД на 1 месяц».
БХД заявіла, што зацягванне часу і «прыпыненне рэгістрацыі» — незаконныя.
Нагадаем: беларускія хрысціянскія дэмакраты падавалі дакументы на рэгістрацыю партыі сем разоў.