25.02.2018 / 09:12

МАК не дазволіў расіянам прайсці пад сваім сцягам на закрыцці Алімпіяды 10

Jean-Christophe Bott / EPA-EFE

Расійскія спартсмены пройдуць на цырымоніі закрыцця Алімпіяды пад сцягам МАК, бо камітэт вырашыў не здымаць дыскваліфікацыю з Алімпійскага камітэта Расіі да канца Гульняў. Пра гэта паведамляе Reuters.

Такое рашэнне было прынята на 132-й сесіі МАК. Да гэтага выканкам рэкамендаваў не здымаць дыскваліфікацыю з расійскай каманды з-за парушэнняў антыдопінгавых правілаў двума спартсменамі. Забароненыя прэпараты былі выяўленыя ў крыві кёрлінгіста Аляксандра Крушальніцкага і бабслеісткі Надзеі Сяргеевай. «Гэта было вельмі несуцяшальна і, акрамя іншых меркаванняў, прадухіліла МАК ад нават абмеркавання зняцця дыскваліфікацыі [з Расіі] на час цырымоніі закрыцця», — казаў прэзідэнт МАК Томас Бах.

Па словах Баха, АКР будзе адноўлены ў правах пасля таго, як будзе пацверджана, што ніводны расійскі спартсмен больш не парушаў антыдопінгавых правілаў. Алімпійскія гульні закрыюцца ў нядзелю, але вынікі апошняй праверкі на допінг будуць вядомыя праз некаторы час.

5
Inhvar / Адказаць
25.02.2018 / 09:28
А. Фомачкiн ужо рыхтуецца.. 
7
Лях / Адказаць
25.02.2018 / 09:47
Цудоуная навiна
15
Прокофья / Адказаць
25.02.2018 / 10:10
Логично... а почему сборная ОАР будет идти под флагом России.
Вообще-то, ОАР выступила не сильно хуже России - особенно в хоккее)
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру