25.02.2018 / 18:53

Адзін з галоўных брытанскіх экспертаў па СССР быў савецкім агентам 6

Дэвід Флойд, якога ў Вялікабрытаніі называлі адным з самых кампетэнтных экспертаў па СССР, у 1950-я гады быў злоўлены на шпіянажы на карысць Масквы. Аднак замест турмы ён адправіўся ў Daily Telegraph.

Як паведамляе газета Times са спасылкай на рассакрэчаныя звесткі МЗС Вялікабрытаніі, былы карэспандэнт Daily Telegraph Дэвід Флойд, які лічыўся адным з галоўных брытанскіх экспертаў па палітыцы Крамля, адзін час працаваў на савецкую выведку. Гэта высветлілася ў 1951 годзе, калі Флойд працаваў у Foreign Office. Тады ўлады Злучанага Каралеўства выкрылі двух высокапастаўленых супрацоўнікаў у МЗС - Гая Берджэса і Дональда Макліна (абодва збеглі ў СССР).

У МЗС Вялікабрытаніі наладзілі праверку, і Флойд, які доўгі час працаваў у пасольствах у СССР, Чэхаславакіі і Югаславіі, прызнаўся, што ў канцы Другой сусветнай вайны перадаваў сакрэтную інфармацыю савецкім прадстаўнікам. Тады ж высветлілася, што падчас прыёму Флойда на працу ў Лондане не ўлічылі той факт, што, быўшы студэнтам у Оксфардзе, той агітаваў за камуністаў.

У Foreign Office меркавалі, што Флойд мог перадаваць сакрэтную інфармацыю і падчас працы ў Празе і Бялградзе, аднак вакол яго не сталі падымаць скандал, палічыўшы, што доказаў недастаткова. Флойда звольнілі з МЗС, аднак у рассакрэчаных дакументах ёсць згадка, што дыпламатам зацікавілася разведка МІ5, «якая вырашыла знайсці яму працу». Ужо праз некалькі месяцаў Флойд уладкаваўся ў Daily Telegraph, кіраўніцтва якой, як высветлілася пазней, працавала на брытанскія спецслужбы.

Флойд памёр у 1997 годзе, захаваўшы ў таямніцы скандал пачатку 1950-х. Яго жонка ў інтэрв'ю Times сказала, што нічога не ведала пра мінулае мужа.

Гісторык Джонатан Хаслам з інстытута ў амерыканскім Прынстане лічыць, што ў МЗС Вялікабрытаніі схавалі інфармацыю аб здрадзе Флойда, бо не хацелі, каб аб гэтай гісторыі даведаліся амерыканцы. У Вашынгтоне маглі раззлавацца, што занадта шмат людзей у замежнапалітычным ведамстве Вялікабрытаніі працавалі на Маскву, што пашкодзіла б двухбаковым адносінам.

6
Вінцэнт / Адказаць
25.02.2018 / 19:15
Прынамсі, сапраўды, быў дасведчаным чалавекам.
0
lazy-bones / Адказаць
25.02.2018 / 19:51
ot navina... Kim Philby naahuł źlivaŭ Sovietam usiu infu dy planami, jakimi ź brytancami dzialilisia amerykancy.
T
amu pra zakidy biełaruskich patryjotaŭ jany viedali USIE padrabiaznaści - dzie dy kali - nie brali adrazu Filistoviča, Vostrykava etc. kab prasačyci reakcyju tutejšych
1
Дантыст / Адказаць
25.02.2018 / 19:55
Адсутнiчуюць нiжнiя бакавыя , як i у мяне . Вось табе i экспэрт , вось табе i шпiён ...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру