26.02.2018 / 09:32

Як беларусы ў Нью-Ёрку вясну гукалі ФОТЫ 10

У Нью-Ёрку цёпла, не тое, што ў Беларусі. У гэтыя выходныя беларусы з Нью-Ёрка ды навакольных гарадоў сабраліся ў мястэчку Асінінг на беразе Гудзона, каб паўдзельнічаць у старажытным беларускім абрадзе Гукання Вясны.

Некалі нашы продкі верылі, што вясна прыходзіць на крылах пералётных птушак, таму дэкаратыўныя птушкі ўпрыгожвалі месца правядзення абраду. Каб прывабіць птушак і паскорыць прыход вясны трэба было сыпануць ячменю або нейкай крупы. Зіма, холад і ўсё нядобрае, з чым кожны хацеў развітацца як мага хутчэй былі ўвасоблены ў выглядзе лялькі Марэны, каторую падчас святкавання патапілі ў халоднай вадзе Гудзона. Аснову абраду Гукання Вясны склалі супольныя спевы, карагоды і гульні пад кіраўніцтвам носьбіта даўніх традыцый бацькаўшчыны Валянціны Якімовіч.

Адметнай рысай правядзення абрадаў з Валянцінай Якімовіч стала вышыванка — усе ўдзельнікі былі апрануты ў сапраўдныя беларускія вышываныя кашулі.Арганізатары мерапрыемства сямья Алены і Пятра Рыжых арэндавалі адпаведнае памяшканне, дзе можна было падсілкавацца падрыхтаванымі загадзя традыцыйнымі беларускімі стравамі, а пазней нават і патанчыць пад беларускую музыку. Гуканне Вясны праходзіць у ЗША штогод і спрыяе пашырэнню ведаў не толькі пра Беларусь, але і пра яе даўнюю гісторыю і старажытныя традыцыі.

Болей фота па гэтай спасылцы

Тэкст і фота Сяргея Трыгубовіча

1
Антось / Адказаць
26.02.2018 / 09:39
А вось гэта цудоўны беларускі звычай!
5
фвтф / Адказаць
26.02.2018 / 10:06
счастливые люди, что не живут здесь...
4
кіяскёр / Адказаць
26.02.2018 / 10:10
Там жа спрадвеку індзейцы жылі. Свае абрады існуюць. А калі у нас рускія пачнуць па руску гукаць вясну, ці аднесемся мы да гэтага талерантна? А увогуле беларус адчувае сябе беларусам выключна у Паўночнай Амерыцы. Клімат там асабісты відаць. А амерыканцы нашых пабачуць і падумаюць: "Калі гэтыя тут так гукаюць, відаць на радзіме усе таксама ў вышыванках і карагоды водзяць." Відаць цяжка ў той Амерыцы знайсці сяброў сярод мясцовых, вось і гукаеш вясну. Бейсбол, кантры-музыка не для нашага чалавека.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру