Мінскі метрапалітэн праводзіць вялікую работу па змене падыходаў да размяшчэння вонкавай рэкламы, паведаміў на аператыўнай нарадзе ў Мінгарвыканкаме галоўны архітэктар Мінска Павел Лучыновіч, перадае карэспандэнт агенцтва «Мінск-Навіны».
— Распрацаваны і ўзгоднены новыя варыянты рэкламнага афармлення 10 станцый метрапалітэна з 29. Агульны падыход — выключэнне вонкавай рэкламы на саміх станцыях, упарадкаванне размяшчэння яе ў вестыбюлях і на іншых аб'ектах, увядзенне патрабаванняў да выгляду рэкламных канструкцый, іх падсветкі, — растлумачыў П. Лучыновіч.
Ён дадаў, што ў 2017 годзе праведзена сур'ёзная праца па ўпарадкаванні размяшчэння і ўтрымання вонкавай рэкламы ў горадзе. Быў вывучаны досвед Масквы, Санкт-Пецярбурга, Кіева, Рыгі, Варшавы. У выніку распрацаваны Правілы афармлення вонкавай рэкламы ў Мінску. Цяпер пасля шматлікіх абмеркаванняў у рабочай групе па рэкламным афармленні сталіцы правілы праходзяць узгадненні з зацікаўленымі ведамствамі. Таксама складзена праграма паэтапнай рэалізацыі архітэктурна-мастацкай канцэпцыі вонкавай рэкламы.
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім32
Каментары