26.02.2018 / 14:41

Прэзентаваны Samsung S9 коштам ад $720. Якія новыя функцыі з'явяцца ў ім? 4

Пасля некалькіх месяцаў розных уцечак і намёкаў 24 лютага Samsung паказаў флагманскія смартфоны Galaxy S9 і Galaxy S9+. У продажы гаджэты з'явяцца ў сярэдзіне сакавіка. Што новага мы ў іх убачым?

Вонкава навінкі нічым не адрозніваюцца ад сваіх папярэднікаў — Galaxy S8 і Galaxy S8+. Змянілася толькі размяшчэнне адбітка пальца: цяпер ён знаходзіцца не справа ад камеры, а пад ёй. 

Экраны не змяніліся: 5,8 і 6,2 цалі з разрозненнем 1440×2960 пікселяў. Акрамя стандартных колераў, шэрага, чорнага і блакітнага, з'явіўся новы варыянт — бэзавы.

Асноўны ж акцэнт зроблены на палепшаных характарыстыках камеры. «Камера Galaxy S9 атрымала змяняльную дыяфрагму ў дыяпазоне ад f/1,5 да f/2,4», — з гонарам заявілі на прэзентацыі. У ранейшых мадэлях паказчык апертуры складаў f/1,7. Разрозненне камеры засталося ранейшым — 12 Мп.

З'явілася новая сістэма шумапрыглушэння на фота: смартфон робіць адразу 4 здымкі, затым злучае іх у адзін для павышэння рэзкасці.

Galaxy S9+ таксама атрымаў яшчэ адну «фішку» — падвойную камеру. Гэта дазваляе здымаць аб'екты з двухразовым аптычным павелічэннем і праграмна размываць задні фон на партрэтах.

У адказ на прадстаўленыя Apple разам з iPhone X анімаваныя эмоджы, Samsung стварыла сваю «фішку» — AR Emoji. З дапамогай франтальнае камеры смартфон складае аб'ёмную маску твару карыстальніка і стварае віртуальнага анімацыйнага персанажа, які паўтарае рухі і міміку твару.

Віртуальны асістэнт Bixby, які не набыў вялікай папулярнасці, цяпер можа вызначаць каларыйнасць ежы па фота. 

Заяўленыя на прэзентацыі кошты Galaxy S9 | S9+ у мінімальных канфігурацыях складаюць адпаведна 720 і 840 даляраў. 

nn.by

0
Пустые баки / Адказаць
27.02.2018 / 00:46
Почему выкидной зубочистнки нет?
0
Серёжа Деревянко / Адказаць
27.02.2018 / 09:15
Основной минус сомсунга в отсутствии нормального обновления. Прошивки кривые и глючные, обновления или отсутствуют вообще или бывает одно, но с косметическими изменении. Потому даже кастом прошивок для них нет.
1
Аляксандр comrade / Адказаць
27.02.2018 / 10:22
Пустые баки, зато есть тонометр. Без шуток. Самсунг S9 может измерять артериальное давление 
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру