27.02.2018 / 09:08

БДУ падымае цэны на навучанне з 1 сакавіка 6

БДУ павышае цэны на навучанне для студэнтаў-платнікаў. Расцэнкі зацверджаны загадам рэктара ВНУ і пачнуць дзейнічаць з 1 сакавіка.

Змены тлумачацца ростам тарыфнай стаўкі, змяненнем умоў аплаты працы прафесарска-выкладчыцкага складу і павелічэннем тарыфаў на камуналку.

Самы вялікі «тарыф» у БДУ устаноўлены для студэнтаў першых курсаў дзённага аддзялення на спецыяльнасцях «правазнаўства», «эканамічнае права» і «міжнароднае права» - па 3136 рублёў. Раней цана складала 2851 рубель.

Самая нізкая расцэнка — 2242 рублі — на «беларускай філалогіі», «рускай філалогіі» і «сацыяльнай працы». Раней - 2039 рублёў.

Навучанне на першых курсах мехмата зараз абыдзецца ў 2475 рублёў (раней 2250). Напрыклад, тут вучаць па спецыяльнасцях «матэматыка і інфармацыйныя тэхналогіі».

На факультэце прыкладной матэматыкі і інфарматыкі кошт крыху больш, па 2600 рублёў (замест 2364). Можна атрымаць дыплом у галіне «прыкладной інфарматыкі (напрамак - праграмнае забеспячэнне камп'ютэрных сістэм)».

На іншых факультэтах навучанне па спецыяльнасцях «радыёфізіка» або «ядзерная фізіка і тэхналогіі» абыйдзецца ў 2475 рублёў (раней 2250). Столькі ж заплоцяць будучыя хімікі, а біёлагі - па 2852 (замест 2593).

Вучыцца на гістфаку будзе каштаваць 2475 рублёў, спецыяльнасць «дакументазнаўства» — 2 600 рублёў.

Каб стаць журналістам, трэба плаціць у год 2 852 рублі, а міжнародная журналістыка каштуе 2 978 рублёў.

0
Alisa / Адказаць
27.02.2018 / 10:42
Патлумачце мне - ЯК МОЖА каштаваць адукацыя, напрыклад, настаўніка, больш, чым той настаўнік пасля мусціць зарабіць за 10 гадоў??? Дзе тут сэнс??
0
Nex(shos) / Адказаць
27.02.2018 / 12:18
Alisa, а майбахи и котэджи по вашему откуда плодиться должны? Вот вам и сэнс...........
1
Carabus / Адказаць
27.02.2018 / 23:16
Alisa, Nex(shos) , Какие майбахи? Вы хоть в курсе, кто такие платники и что покрывает стоимость их обучения. 
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру