28.02.2018 / 21:11

Варшава мяняе кіраўніка Польскага інстытута ў Мінску. Беларуская інтэлігенцыя шкадуе пра ад'езд Матэвуша Адамскага 6

Матэвуш Адамскі, які працаваў дырэктарам Польскага інстытута ў Мінску, больш не займае гэтую пасаду, піша «Радыё Свабода».

«Матэвуш Адамскі больш не працуе дырэктарам. Па падрабязнасці звяртайцеся ў МЗС Польшчы», — распавяла супрацоўніца інстытута.

Сам Матэвуш Адамскі не стаў каментаваць прычыны свайго сыходу з пасады, але сказаў Радыё Свабода:

«Сёння фармальна апошні дзень маёй місіі ў Беларусі. Гэта быў вялікі гонар — 18 месяцаў служыць маёй дзяржаве і ўдзельнічаць у будаваньні мастоў паміж палякамі і беларусамі, нашымі найбліжэйшымі суседзямі. Думаю, што нам ўдалося зрабіць вельмі шмат для развіцьця двухбаковых адносінаў у галіне культуры, мастацтва, супольнай спадчыны, навуковых кантактаў і асабліва гістарычнага дыялогу.

Абяцаю, што буду далей удасканальваць сваю беларускую мову і панясу гэтую прыгожую мову далёка ў свет, а вы абяцайце, калі ласка, што яе будзе лепш чуваць у Беларусі, калі мы сустрэнемся ізноў».

Рэагуючы на пісьмовую просьбу пра камэнтар, у Міністэрстве замежных спраў Польшчы, Свабодзе параілі дачакацца пісьмовага адказу і не сталі адказваць на пытанне пра прычыны выезду М. Адамскага з Мінска. Цяпер абавязкі дырэктара выконвае ягоны былы намесьнік, цёзка па прозвішчы Томаш Адамскі.

Адрэагавалі на ад'езд Адамскага і прадстаўнікі беларускай інтэлігенцыі.

Польскі інстытут у Мінску — гэта ўстанова з дыпламатычным статусам, якая пачала сваю дзейнасьць у 1994 годзе. Інстытут займаецца папулярызацыяй дасягненняў польскай культуры, гісторыі і навукі, прэзентацыяй і аховай польскай спадчыны, наладжваннем і развіцьцём кантактаў, абменам досведам і падтрымкай дыялогу паміж Польшчай і Беларусьсю. Гэта адзін з 25 Польскіх інстытутаў па ўсім свеце.

1
Лявон Баршчэўскі / Адказаць
28.02.2018 / 23:17
Вельмі шкада! Чалавек, які быў упісаны ў нашу культуру, нечакана мусіць выехаць.
Але зь іншага боку, дзе інстытуты Беларусі па ўсім сьвеце? Ах, Крэмль не дазваляе... Гэта ж не Башкірыя і не Чувашыя.
1
Аляксандр Мілінкевіч / Адказаць
28.02.2018 / 23:19
Усе, хто ведаў, тым больш супрацоўнічаў з Дырэктарам Матэвушам Адамскім, разумее, што заўчаснае адхіленне такога выдатнага будаўніка польска-беларускіх адносінаў ёсць разбурэнне таго, што мы разам ствараем.
1
Niemand / Адказаць
01.03.2018 / 00:07
Мо гэта неяк павязана з тым, што апошнім часам палякі будуюць новую нацыянальную памяць? Новая памяць - новыя адносіны.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру