01.03.2018 / 16:17

Скінхэда з Наваполацка асудзілі за распальванне расавай варожасці і распаўсюд парнаграфіі 7

27 лютага Віцебскі абласны суд прыгаварыў 33-гадовага ўраджэнца Наваполацка Антона Пуцікава, які, мяркуючы па яго старонцы ў сацсетцы, адносіць сябе да скінхэдаў, да трох гадоў пазбаўлення волі. Падрабязнасці суда апублікавалі «Народныя навіны Віцебска».

Абвяшчэнне прысуду Антону Пуцікаву. Фота Сяргея Серабро

Мужчына ўжо неаднаразова судзімы: першы раз яго прыцягнулі да крымінальнай адказнасці ў 2010 годзе за крадзеж, затым зноў былі крадзяжы, а апошні раз ён трапіў пад суд у жніўні 2017 года за кіраванне ў п'яным выглядзе.

Цяпер Антона Пуцікава абвінавачвалі ў распальванні расавай варожасці і распаўсюд парнаграфіі: ён размясціў на сваёй старонцы ў сацсетцы шэраг відэаролікаў адпаведнага зместу — у асноўным расісцкай накіраванасці.

Суддзя Дзяніс Губанаў прызнаў Пуцікава вінаватым у наўмысных дзеяннях, накіраваных на распальванне расавай, нацыянальнай, рэлігійнай і сацыяльнай варожасці і на падставе часткі 1 артыкула 130 КК прыгаварыў да пазбаўлення волі на два з паловай гады. Акрамя таго, ён прызнаны вінаватым у распаўсюдзе парнаграфічных матэрыялаў з выкарыстаннем глабальнай камп'ютарнай сеткі Інтэрнэт і на падставе часткі 2 артыкула 343 КК прысуджаны да пазбаўлення волі на два гады і чатыры месяцы.

З улікам пакарання за кіраванне ў п'яным выглядзе, прызначанага судом Полацка і Полацкага раёна, суд прысудзіў Антона Пуцікава да трох гадоў пазбаўлення волі ў калоніі строгага рэжыму.

Фота vk.com

9
ўантуфры / Адказаць
01.03.2018 / 16:38
Красамоўнае прозвішча.
12
Юрий / Адказаць
01.03.2018 / 16:42
Он глубоко болен и ЭТО не лечится!!После тюрьмы ещё лет 5 в психушку!
7
Да уж... / Адказаць
01.03.2018 / 18:01
Какая разнообразная криминальная биография. Прям ни одного повтора!
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру