Двухпавярховы цягнік Мінск — Вільня Літоўскай чыгункі сёння зламаўся неўзабаве пасля выезду з Мінска. Пра гэта TUT.BY распавяла пасажырка цягніка.
— Сёння селі ў прыгожы двухпавярховы цягнік, у 10.35 ён адправіўся з Мінска. Хвілін праз 15 цягнік стаў прытармажваць, потым зусім спыніўся. Прайшла правадніца і паведаміла, што цягнік зламаўся, абодва паверхі абясточаныя.
Суразмоўніца распавядае, што на месцы цягнік прастаяў дзве гадзіны.
— Нам патлумачылі, што няма электрычнасці — дзверы заблакаваныя, засталіся адкрытымі толькі тыя, што ў першым вагоне. Усе аб'явы правадніца і машыніст рабілі не па гучнай сувязі, бо яна таксама не працавала. За дзве гадзіны без ацяплення паспелі падмерзнуць — цягнік хутка астыў, на вуліцы немаленькі мінус.
Потым па пасажыраў прыехала іншая электрычка.
— Па-мойму, гэта быў «Штадлер». На ім і даехалі да Вільні. Пасажыраў было да ста чалавек, прыкладна трыццаць з іх спяшаліся на самалёт. Літоўцы малайцы — у Вільні хутка прапусцілі праз пашпартны кантроль ўсіх, каму трэба было ляцець і на аўтобусе павезлі ў аэрапорт.
Па словах пасажыркі, яны прыехалі ў Вільню прыкладна ў 14 гадзін, замест 12.30 па раскладзе.
Паводле інфармацыі неафіцыйнай групы БЧ ва «Укантакце», цягнік не змог працягнуць рух так як з-за няспраўнасці кантактнай сеткі зламаўся адзіны токапрыёмнік.
Са Ждановічаў электрацягнік прыцягнулі цеплавозам ў Маладзечна для ліквідацыі паломкі.
Цяпер чытаюць
У пачатку вайны кавэзэшніцу Марыну Грыцук вывозілі з-пад Кіева на танку. Цяпер яна вядзе мерапрыемствы ў Расіі5
Каментары