Куча снегу абрынулася на дзвюх жанчын і паўтарагадовае дзіця ў Мурманскай вобласці. Відэазапіс апублікаваны ў Telegram-канале Следчага камітэта Расіі.

На кадрах бачна, што ля ўваходу ў будынак стаяць дзве жанчыны, адна з якіх трымае за руку маленькую дачку. У нейкі момант дзяўчынка адводзіць маці ў бок. Жанчына машынальна адыходзіць, працягваючы размову са знаёмай, а праз некалькі секунд з даху падае велізарная маса снегу.

Нягледзячы на тое, што «лавіна» трапіла на ўсіх траіх, жанчына з дзіцём, напэўна, пацярпела менш, чым яе знаёмая, якая стаяла непасрэдна ля будынка.