04.03.2018 / 16:35

Лукашэнка ўдзельнічаў у біятлонным забегу разам з алімпійскімі чэмпіёнкамі ФОТА 7

Аляксандр Лукашэнка паўдзельнічаў у біятлонным забегу разам з вядомымі алімпійцамі краіны. Мерапрыемства адбылося ў Рэспубліканскім цэнтры алімпійскай падрыхтоўкі па зімовых відах спорту «Раўбічы», перадае president.gov.by.

Разам з ім на лыжную трасу выйшлі яго малодшы сын Мікалай, прэс-сакратар прэзідэнта Наталля Эйсмант, пераможцы і прызёры Алімпійскіх гульняў Дар'я Домрачава, Ірына Крыўко, Дынара Алімбекава, Аляксей Айдараў і Ксенія Санковіч.

4 сакавіка ў Раўбічах таксама завяршыўся фінальны этап спаборніцтваў «Снежны снайпер». Пераможцы былі вызначаныя ў трох узроставых катэгорыях. У турніры прынялі ўдзел юныя біятланісты з усіх рэгіёнаў Беларусі.

Узнагароды ўручалі Аляксандр Лукашэнка і алімпійскія чэмпіёны, члены нацыянальнай каманды Беларусі па біятлоне Дар'я Домрачава, Ірына Крыўко і Дынара Алімбекава.

Нагадаем, ва ўзроставай групе сярэдняга ўзросту бронзавую ўзнагароду заваяваў Мікалай Лукашэнка, які прадстаўляў на «Снежным снайперы» Мінскую вобласць.

0
Альфа / Адказаць
04.03.2018 / 16:54
Жэншчын всё больше и больше в пуле сами знаете кого. Не к добру всё это. Ой не к добру.
0
касілер / Адказаць
04.03.2018 / 16:56
усе праблемы вырашыў, зараз гуляецца ў выдатнага спартоўца, ды дзевак ціскае
0
Сябра НН / Адказаць
04.03.2018 / 17:05
І хто заняў 2е і 3е месцы???
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру