Зборнік вершаў Максіма Багдановіча ў перакладзе прэзентаваны ў Іспаніі, паведамляе БелТА.
Кніга класіка беларускай літаратуры «Згукі маёй Бацькаўшчыны» на іспанскай мове была выдадзена пры падтрымцы Міністэрства замежных спраў і пасольства Беларусі.
Прэзентацыя адбылася на літаратурна-паэтычным вечары, прысвечаным творчасці беларускага паэта, у ганаровым консульстве Беларусі ў горадзе Алікантэ.
На творчым вечары, арганізаваным прадстаўнікамі беларускай дыяспары ў Іспаніі, прагучалі такія творы Максіма Багдановіча, як «Санет», «Я хацеў бы спаткацца з Вамі на вуліцы», «Слуцкія ткачыхі», «Зорка Венера» і іншыя.