Фота МНС
Міністр прамысловасці Віталь Воўк выехаў на ААТ «Беларускі металургічны завод» для арганізацыі аператыўнага штаба па ліквідацыі наступстваў узгарання на прадпрыемстве. Пра гэта БЕЛТА паведаміў прэс-сакратар Міністэрства прамысловасці Уладзімір Падаляк.
«Міністр сёння раніцай выехаў на БМЗ для арганізацыі аператыўнага штаба па ліквідацыі наступстваў узгарання на прадпрыемстве», — сказаў Уладзімір Падаляк.
Як паведамлялася, узгаранне адбылося вечарам 5 сакавіка ў кабельным тунэлі. Пасля прыбыцця да месца выкліку ў 20.40 ратавальнікамі выяўлена моцнае задымленне. У выніку пажару пашкоджана 30 600 пагонных метраў ізаляцыі электрычных кабеляў. Пажар быў ліквідаваны, пацярпелых няма.
0
0
0
0
0
0
