.png)
На 74-м годзе пайшоў з жыцця дыпламат, кандыдат эканамічных навук Валянцін Вялічка, паведамляе БЕЛТА.
З 1968 па 1993 год ён працаваў на розных пасадах у Гомельскім абкаме камсамола, Гомельскім абласным савеце прафсаюзаў, Савецкім райкаме КПБ Гомеля, Гомельскім аблвыканкаме, Савеце аб'яднання прафсаюзаў Гомельскай вобласці.
У 1993-1997 гадах Вялічка узначальваў пасольства Беларусі ў Латвіі і Фінляндыі па сумяшчальніцтве.
У 1997-1998 гадах ён займаў пасаду міністра па справах СНД.
З 1998 па 2001 год Вялічка працаваў на кіруючых пасадах у сістэме МЗС Беларусі: пасол па асобых даручэннях, першы намеснік міністра замежных спраў.
З 2001 па 2016 год быў паслом ва Украіне.
Валянцін Вялічка належыў да дэпутатаў, якую Апазыцыя БНФ вызначала як "парлямэнцкую большасьць", па шмат якіх пытаньнях мы былі зь ім нязгодныя. Але ёсьць адзін вельмі важны момант, які, на маю думку, пераважвае іншае: 25 жніўня 1991 г. дэпутат Валянцін Вялічка галасаваў за Незалежнасьць Беларусі (пра што сьведчыць пратакол пайменнага галасаваньня).
Зямля яму пухам.