10.03.2018 / 13:38

Міністэрства падаткаў і збораў назвала найбуйнейшых падаткаплацельшчыкаў Мінска

Спіс найбуйнейшых падаткаплацельшчыкаў сталіцы па выніках студзеня — лютага 2018 года ўзначальвае ААТ «Газпром трансгаз Беларусь», паведамляе «Мінск-Навіны».

Па выніках двух першых месяцаў 2018-га ў рэйтынг 10 найбуйнейшых падаткаплацельшчыкаў сталіцы ўвайшлі ААТ «Газпром трансгаз Беларусь», ЗАТ «Беларуская нафтавая кампанія», ТАА «Тытунь-інвест», РУП «Мінскэнерга», ЗАТ «Мінскі завод вінаградных він», СТАА «Мабільныя ТэлеСістэмы», ААТ «Мінск Крышталь» — кіруючая кампанія холдынгу «Мінск Крышталь Груп», унітарнае прадпрыемства «Велком», ЗТАА «Лукойл Беларусь», ТАА «Еўрагандаль».

Гэтымі арганізацыямі выплачана ў казну 588,8 млн руб. Гэта амаль трэць даходаў кансалідаванага бюджэту горада.

Агулам за студзень-люты бягучага года ў сталічную казну паступіла 1,9 мільярда рублёў.

Каб пакінуць каментар, калі ласка, актывуйце JavaScript у наладах свайго браўзеру