Баец Узброеных сіл Украіны Валерый Ананьеў напісаў у твітары, як сустрэў у італьянскай Вероне вядучага расійскага Першага канала Арцёма Шэйніна і плюнуў яму ў твар.
Шэйнін (злева) — вядучы самай адыёзнай праграмы расійскага тэлебачання «Час пакажа», якая ідзе ў прайм-тайм. У Беларусі яна транслюецца апоўначы.
«Я толькі што ледзь не забіў гэту істоту ў цэнтры Вероны. Упэўнены, ён мяне запомніць. І спадзяюся, што лёс нас яшчэ звядзе ў бязлюдным месцы», — паведаміў дэсантнік Ананьеў.
Ён заўважыў, як тэлевядучы зайшоў разам з жонкай у аптэку, і адправіўся следам.
Украінец спытаў: «Вы расійскі журналіст?».
Той пацвердзіў.
«С*ка, былі б мы ў іншым месцы, я б табе, п*дле, вочы выціснуў», — сказаў вайсковец яму ў адказ.
Ананьеў сцвярджае, што размаўляў з Шэйніным спакойна, тады як той пастаянна нешта крычаў.
«Я раз 20 яму сказаў, што хачу яго забіць, а пасля двойчы плюнуў у твар», — узгадаў дэсантнік.
Шэйнін спрабаваў супакоіць украінца, кажучы: «Мы ж у Вероне, у цэнтры Еўропы. Навошта гэта агрэсія?»
Арцём Шэйнін.
Валерый Ананьеў
Чытайце таксама: «Я забіваў, далей што?» — вядучы Першага канала шакаваў прызнаннем у праграме пра Матаролу ВІДЭА
