12.03.2018 / 16:00

Міліцыя перасцерагла арганізатараў канцэрта на Дзень Волі ад «незапланаванага сцэнара» 28

Заяўнікі мітынгу і арганізатары канцэрту да 100-годзьдзя Беларускай Народнай Рэспублікі ў Менску сустрэліся 12 сакавіка з прадстаўнікамі ГУУС Менгарвыканкаму. Пра гэта паведаміў Свабодзе старшыня руху «За свабоду» Юрась Губарэвіч.

Пачатак мітынгу-канцэрту а 14-й гадзіне, збор каля Опэрнага тэатру — а 13-й. Завяршэньне плянуецца а 19-й гадзіне. Мерапрыемства пройдзе пад лёзунгам «Сьвята незалежнасьці».

Міліцыянты згадалі пра «незаплянаваны сцэнар»

Паводле Губарэвіча сустрэча прайшла без ультыматумаў, як зазвычай гэта было ў мінулыя гады.

«Аднак прагучала, што калі мерапрыемства пойдзе не па заплянаваным сцэнары, то ў гарадзкой міліцыі будзе дастаткова сіл і сродкаў, каб яго спыніць. Але што мелася на ўвазе пад «незаплянаваным сцэнаром» не тлумачылася. Традыцыйна яны прадэманстравалі сваю рашучасьць дзейнічаць у тым ліку і сілавымі мэтадамі. Але спадзяюся, што да гэтага не дойдзе. Бо ўсе дэталі, якія выклікалі сумневы ў патэнцыйных удзельнікаў — адносна выкарыстаньня нацыянальнай сымболікі, рэжыму пропуску — мы абмеркавалі і знайшлі паразуменьне», — сказаў Юрась Губарэвіч.

Можна браць бел-чырвона-белыя сьцягі

Адносна праносу і выкарыстаньня бел-чырвона-белых сьцягоў прадстаўнікі міліцыі сказалі, што будуць абапірацца на рашэньне Менгарвыканкаму.

«Прадстаўнік Менгарвыканкаму пацьвердзіў, што тыя абмежаваньні, якія ёсьць у рашэньні адносна мерапрыемства, датычаць найперш лёзунгаў ці транспарантаў, якія не маюць ніякага дачыненьня да тэматыкі мерапрыемства. Было пацьверджана, што адносна нацыянальнай сымболікі ніякіх абмежаваньняў не будзе. Можна браць бел-чырвона-белыя сьцягі, вуды, каб было зручна размахваць».

Прадстаўнікі міліцыі пацьвердзілі пра намер шчыльна каардынавацца з дружынай, якая будзе створана арганізатарамі.

Падчас акцыі ў тэатры будзе спэктакль

Таксама міліцэйскае кіраўніцтва цікавіла, якім чынам будзе разьмешчана сцэна, кропкі па гандлі сувэнірамі і прадуктамі, біяпрыбіральні і грымёркі для артыстаў.

«Таксама было згадана, што Опэрны тэатар мае два спэктаклі ў 12 і 18 гадзін. Таму гледачы павінны мець магчымасьць доступу да будынку. Таксама мы абмеркавалі меры бясьпекі і разьмяшчэньне турнікетаў. Рэжым дагляду будзе не больш строгі за звычайны, які ўжываецца пры правядзеньні гарадзкіх марапрыемстваў, такіх як музычныя вечары на плошчы Свабоды».

Удакладненне:

У першаснай версіі артыкула гаварылася, што рэжым дагляду будзе не менш строгі за звычайны, які ўжываецца пры правядзеньні гарадзкіх марапрыемстваў. Насамрэч рэжым дагляду будзе не больш строгі за звычайны.

2
каня / Адказаць
12.03.2018 / 16:13
Дык што са сцягам?
6
ten / Адказаць
12.03.2018 / 16:28
"незаплянаваны сцэнар" - это если кто-то решит шествие устроить
4
Патомак касінера / Адказаць
12.03.2018 / 16:33
 "Напілісь быкі, скачуць па краіне
Топчуць ручнікі капытамі ў гліне
Скачуць па дварах, адчыняюць хаты,
Хто не пахаваўся – будзе вінаватым!"...                                              
 
Далучайцеся аматары канцэрта!
 
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру