14.03.2018 / 09:58

У Беларусь прыляцелі жаўрукі 11

Напрыканцы першага тыдня сакавіка ў Гродзенскім раёне сябры АПБ бачылі першых палявых жаўрукоў.

Палявыя жаўрукі заўсёды прылятаюць рана, яны першыя прадвеснікі вясны. Бывае, ужо ў лютым мы заўважаем гэтых птушачак, як было ў папярэднія два гады. Сёлета вясна ў нас позняя. У пачатку сакавіка — маразы і снег. Але палявыя жаўрукі ўсё адно не марудзілі, а вярнуліся на Радзіму як найхутчэй. Чаму яны так спяшаюцца?

— Першымі з выраю вяртаюцца самцы палявых жаўрукоў, — тлумачыць дырэктар грамадскай арганізацыі «Ахова птушак Бацькаўшчыны» (АПБ) Аляксандр Вінчэўскі. — Яны хочуць паспець заняць найлепшыя месцы для гнездавання. Раней за ўсіх прылятаюць самыя моцныя, у якіх найбольш шанцаў займець патомства. Хутка мы пачуем у небе іх песні.

Дарэчы, маразоў яны не баяцца і корм сабе знаходзяць: жывяцца насеннем, стрэсеным на дол і снег. Рагатыя жаўрукі і жаўрукі-смецюхі нават адзначаліся ў нас на зімоўцы. Сярод іншых незвычайных відаў, якія заставаліся ў нас на зіму, можна адзначыць канаплянак, сняжурак, шэрых і белалобых гусей ды гуменнікаў.

Калі прылятаюць іншыя?

Вось пяць птушак — вястунняў вясны, якіх адносна лёгка пазнаць: белы бусел, вясковая ластаўка, чорны свіргуль, звычайная зязюля і шчурка-пчалаедка.

Недзе ў другім тыдні сакавіка вяртаюцца ў краіну першыя буслы, у першай палове красавіка — вясковыя ластаўкі і зязюлі, у маі — свіргулі і шчуркі-пчалаедкі. Навошта сустракаць птушак?

— Назіраць птушак, якія толькі-толькі вяртаюцца да нас з далёкіх краёў, — прыемна і захапляльна, выдатная магчымасць адчуць прыродныя змены, адзначыць надыход сапраўднай вясны. Усе гэтыя птушкі «Жывой вясны» шырока распаўсюджаныя, акрамя шчуркі-пчалаедкі. Пабачыць яе будзе сапраўднай удачай. Паведамляйце нам, калі іх убачыце, — запрашае кіраўнік аддзела развіцця АПБ, каардынатар кампаніі «Жывая вясна» па Беларусі Карына Салавей.

0
Žvir / Адказаць
14.03.2018 / 10:27
Назіраць птушак, якія толькі-толькі вяртаюцца да нас з далёкіх краёў, — прыемна і захапляльна, выдатная магчымасць адчуць прыродныя змены
Heta tak, racyja. U nas u adpaviednych miescach admyslova dzielia hetaha ūstaliavany viežy, z jakich vieļmi zručna ū taki čas nazirac` za samymi roznymi ptuskami, i navat sfatahrafavac`, pry mahčymasci. Asabliva niemahcyma nie zaūvažyc` pryliot liebiadzieū. Usio ūzbiarežža, ad Salachryvy i da Piarnu litaraļna akupavana imi.Adnojčy, na ūzbiarežžy Ainaži, ja naličyū ich boļš za 200 i zbiūsia z liku, ich bylo tysiačy. Niejki čas jany žyvuc` i kormiacca z mora, tydni 2, i pa pieršym časie nadzvyčaj asciarožnyja, niedavierlivyja, piļnyja, paslia pryliotu. Potym razliatajucca, chto kudy, pa ūsioj miascovasci, častka liacic` daliej, da Finliandyi pūna. A tyja, što sieliacca blizu čalavieka, chutka pačynajuc` siabravac` z liudzmi. Vieļmi važna canic`i ierahčy ichny davier...:) 
6
алесь / Адказаць
14.03.2018 / 10:30
Мо такі жаўранкі, а не жаўрукі
0
LMI / Адказаць
14.03.2018 / 11:06
ВЯСНА !!!!!!!!!!!!!!!!!!!!!!!!!!!!!!!!!!!!!!!!!
Як надакучыла і НАРЭШЦЕ скончылась гэта халодная брыда пад назовам зіма
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру