14.03.2018 / 15:24

Украінскім спартсменам забаранілі ўдзел ва ўсіх спаборніцтвах у Расіі 15

На Алімпіядзе ў Пхёнчхане, фота Reuters.com

Кіраўнік Міністэрства спорту і моладзі Украіны Ігар Жданаў падпісаў загад, які забараняе членам нацыянальных зборных Украіны па ўсіх відах спорту ўдзельнічаць у любых спаборніцтвах, якія праходзяць на тэрыторыі Расіі, а таксама праводзіць у Расіі вучэбна-трэніровачныя зборы, гаворыцца ў паведамленні ведамства.

«Я падпісаў новы загад. Украінскія спартсмены не будуць прымаць удзел ні ў якіх спаборніцтвах, якія праходзяць на тэрыторыі Расіі», — напісаў Жданаў на сваёй старонцы ў фэйсбуку

Акрамя таго, міністэрства спорту Украіны рэкамендуе ўсім нацыянальным спартовым федэрацыям ўстрымацца ад якога-небудзь удзелу ў любых спартыўных мерапрыемствах, якія праводзяць у Расіі.

Тлумачачы гэта рашэнне, Жданаў паказаў, што спаборніцтвы, якія праводзяцца ў Расіі «проста небяспечныя» для ўкраінскіх спартсменаў.

Раней зборная Украіны адмовілася прымаць удзел у дзявятым этапе Кубка свету па біятлоне ў Цюмені.

10
Верны / Адказаць
14.03.2018 / 15:31
Очынь правільнае і сваіўрэменае рышэнія. Нада забараніць спорт наогул. Калечаць дзясяткі тысяч дзяцей. Каб прадаць аднаго г.зв. спарцмена патом.
10
Юрась Беларус / Адказаць
14.03.2018 / 15:33
Чым раней пачнецца адыход Украіны ад Расіі не толькі палітычна, але і на ўзроўні грамадскасці, у тым ліку і спорту, тым лепей. "Падзякуем" за "мужны крок" Расію!)))(((
14
Сняжок / Адказаць
14.03.2018 / 15:35
Зрада ци пэрэмога?
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру