17.03.2018 / 10:33

Беларуская лыжніца Саханенка заваявала свой трэці залаты медаль на Паралімпіядзе ў Пхёнчхане 6

Беларуска Святлана Саханенка стала трохразовай паралімпійскай чэмпіёнкай, заваяваўшы сёння ў Пхёнчхане залаты медаль у лыжнай гонцы на 7,5 км, перадае БелТА.

Святлана Саханенка. Фота mir24.tv.

Дыстанцыю класічным стылем для спартсменаў з кепскім зрокам яна прабегла за 22 хвіліны і 19,3 секунды.

Расіянка Міхаліна Лысава заняла другое месца, адстаўшы ад пераможцы на 36,3 секунды. Бронзавую ўзнагароду заваявала Карына Эдлінгер з Аўстрыі — +1 хвіліна 03,6 секунды.

Для Святланы Саханенка гэта ўжо трэцяя залатая ўзнагарода Паралімпіяды. Раней яна стала чэмпіёнкай у бегу на 15 км вольным стылем і перамагла ў спрынце на 1,5 км.

На рахунку выхаванкі Наваполацкага вучылішча алімпійскага рэзерву, дзе яна пачынала заняткі спортам, ёсць і бронзавая ўзнагарода ў біятлоне на 6 км.

nn.by

1
Член ЛДПБ / Адказаць
17.03.2018 / 10:53
Поздравляем! Наша партия будет помогать развитию спорта! В нашей партии все занимаются спортом, никто не курит и не пьёт!
1
Козырь / Адказаць
17.03.2018 / 11:06
Да здравствуют беларуские параолимпийцы! Удачи им и золотым побед!
0
Дзядзька / Адказаць
17.03.2018 / 11:22
Па логіцы павінна атрымаць Зорку героя Беларусі.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру