17.03.2018 / 13:55

Памёр хакер, які выдаў уладам ЗША інфарматара WikiLeaks Чэлсі Мэнінг 5

Хакер Адрыян Лама, які выдаў амерыканскім уладам дадзеныя для арышту інфарматара WikiLeaks Чэлсі Мэнінг, памёр ва ўзросце 37 гадоў. Пра гэта паведамляе РБК са спасылкай на Бі-Бі-Сі.

Адрыян Лама.

«З вялікім жалем і разбітым сэрцам я павінен паведаміць усім сябрам, што Адрыян памёр. Сышоў яркі розум і адчувальная душа. Ён быў маім любімым сынам», — прыводзіць тэлерадыёкампанія словы бацькі хакера. Аб прычынах смерці хакера не паведамляецца.

Адрыян Лама набыў вядомасць у 2010 годзе ў сувязі са справай Брэдлі Мэнінга, які пазней пасля змены полу стаў Чэлсі Мэнінг. Ён паведаміў у анлайн-перапісцы з хакерам, што перадаваў WikiLeaks сакрэтныя дадзеныя. Пазней Лама перадаў гэта амерыканскім уладам, пасля чаго Мэнінга затрымалі.

У інтэрв'ю The Guardian у 2011 годзе Лама казаў, што не па добрай волі прыняў рашэнне выдаць Мэнінга. Паводле яго слоў, яго вымусілі гэта зрабіць і ён шкадуе, што інфарматара WikiLeaks прысудзілі да такога вялікага тэрміну.

Брэдлі Мэнінг служыў у Ваенна-паветраных сілах ЗША з 2009 года ў якасці аналітыка выведкі. У лютым 2010 года WikiLeaks апублікаваў першыя сакрэтныя дакументы, якія атрымаў ад Мэнінга, праз тры месяцы інфарматара затрымалі. Ён быў асуджаны на 35 гадоў. У турме Мэнінг абвясціў пра змену полу і прайшоў гарманальную тэрапію.

У маі 2017 года Мэнінг выйшла на волю, яе памілаваў экс-прэзідэнт ЗША Барак Абама.

nn.by

11
MrDDS777 / Адказаць
17.03.2018 / 14:41
Отравили американские спецслужбы. Инфа 100%.
3
Кажыма праўду / Адказаць
17.03.2018 / 14:50
Прыклад Чэлсі Мэнінга пацвярджае правіла:

ВЫЧВАРЭНЕЦ = ЗДРАДНІК

Шануйма традыцыйную мараль, узгадаваную нашымі слаўнымі продкамі!
4
Пан Басурман / Адказаць
17.03.2018 / 16:00
За все в этой жизни нужно отвечать
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру