17.03.2018 / 15:46

У Польшчы выйшаў з турмы чалавек, які адсядзеў 18 гадоў за забойства, што не здзяйсняў 36

Праз памылку польскай юстыцыі Томаш Каменда ў 2000-м годзе быў асуджаны на 25 гадоў за забойства, якога ён не здзяйсняў. У чацвер па рашэнні гарадскога суда Уроцлава мужчына быў вызвалены і выйшаў на волю, паведамляе ТАСС.

Томаш Каменда. Фота wiadomosci.gazeta.pl.

Томаш Каменда быў абвінавачаны польскім судом у згвалтаванні і забойстве 15-гадовай дзяўчыны, здзейсненым у 1997 годзе пасля дыскатэкі ў вёсцы Мілошыцы. Адзіным доказам супраць мужчыны стаў яго волас, знойдзены на шапцы забітай. Пры гэтым 11 сведак пад прысягай пацвердзілі суддзям, што ў дзень забойства Каменда знаходзіўся ў іншым месцы.

Сам абвінавачваны ўсё адмаўляў, а потым даў паказанні, што на дыскатэцы ён усё ж быў. На судзе Каменда адмовіўся ад сваіх папярэдніх паказанняў, заявіўшы, што яны былі выбітыя з яго ў паліцыі пад катаваннямі.

Нягледзячы на ўсе гэтыя абставіны, суд прысудзіў яго да 25 гадоў турэмнага зняволення.

«Я думаў, што не выйду з турмы жывым, таму што мяне збівалі сукамернікі, упэўненыя ў тым, што я забіў непаўналетнюю», — распавёў Каменда журналістам. Ён прызнаўся, што спрабаваў забіць сябе, але яго выратавалі іншыя зняволеныя.

Факты, якія пацвярджаюць недатычнасць Каменды да інкрымінаваных яму злачынстваў, былі выяўленыя спецыяльна створанай следчай групай. У падрыхтаванай следчымі справаздачы сцвярджаецца, што частка доказаў, праз якія Каменду адправілі за краты, была сфальсіфікаваная.

«Калі пацвердзіцца, што нявінны чалавек правёў у сценах турмы 18 гадоў, то супраць тых, хто дапусціў такую фатальную памылку, павінна быць распачата следзтва», — пракаментаваў сітуацыю міністр юстыцыі Збігнеў Зёбра.

Інфармацыі пра магчымую выплату Томашу Каменду кампенсацыі за гады, праведзеныя за кратамі, пакуль не паступала.

nn.by

6
Лапух / Адказаць
17.03.2018 / 15:53
Судовая памылка не такі ўжо і рэдкі выпадак.
А у нашай краіне, дзе яшчэ забіваюць людзей, існуе дыктатарскі суд, і не працуюць законы.
Дыктатар сам вырашае судьбы людскія і сам выкрывае злачынствы.
Жах, колькі нявінных людзей гэты кат забіў!
1
bhagawan / Адказаць
17.03.2018 / 15:55
u Polščy buvajuć pamyłki śledstva, a ŭ nas nibyta nie...
2
Колька / Адказаць
17.03.2018 / 15:55
у нас бы расстреляли и дело с концом
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру