17.03.2018 / 16:00

У касцёлах у Пальмавую нядзелю памоляцца за Беларусь і беларускі народ 13

У касцёлах краіны ў Пальмавую нядзелю, што сёлета прыпадае на 25 сакавіка, будуць маліцца за Беларусь і беларускі народ у сувязі з 100-й гадавінай абвяшчэння незалежнасці Беларускай Народнай Рэспублікі, паведамляе Радыё «Ватыкан».

«Утварэнне Беларускай Народнай Рэспублікі — першы крок да сённяшняй незалежнасці, — патлумачыў афіцыйны прадстаўнік Канферэнцыі каталіцкіх біскупаў у Беларусі Юрый Санько. — Касцёл не можа застацца ў баку, нягледзячы на тое, што 25 сакавіка сёлета будзе вельмі важным днём у Вялікім посце — гэта Пальмавая нядзеля. Касцёл сваёй малітваю, сваёй прысутнасцю асвячае нашую зямлю, таму біскупамі было прынятае рашэнне аб стварэнні адмысловай малітвы, якой святары ў гэты дзень будуць прасіць Бога за нашу Бацькаўшчыну, наш народ, каб добры Бог дабраслаўляў і напаўняў нашую штодзённасць сваёй прысутнасцю».

Ці будзе малітва асобнай па завяршэнні эўхарыстыі, ці будзе адным з заклікаў да вернікаў, пакуль не вырашана. У некаторых парафіях запланаваная асобная імша за Беларусь. Паводле Санько, кожны святар, верагодна, будзе сам прымаць рашэнні па сваёй парафіі.

14
фыв... / Адказаць
17.03.2018 / 18:08
Увесь час казалi:-,,вербная,, а прычым тут пальмы,какосы i афрыка?
2
Edvard-litvin / Адказаць
17.03.2018 / 23:06
фыв...,фыв...
 viarba - symbal palmy 
12
Галя / Адказаць
18.03.2018 / 00:06
Я нешта прапусціў у гэтым жыцці? Калі вербніца стала пальмавай нядзеляй? Напэўна тады ж, калі у рэдакцыі НН сталі ненавідзець усё што звязана з праваслаўем. Ціпа на заходні манер усё трэба рабіць, так? Ну дык тады ссячыце ўсе вербы ды пасадзіце на іх месцах пальмы, паглядзім што атрымаецца
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру