17.03.2018 / 16:42

Школьнік не можа абнаявіць сертыфікат, які атрымаў з рук Лукашэнкі 15

Прайшло амаль два тыдні, а юны спартсмен так і не абнаявіў сертыфікат, піша ex-press.by.

Фота pressball.by.

«Залаты» медаль і сертыфікат на 2000 рублёў зарабіў васьмікласнік Уладзіслаў Гаўдзіс на спаборніцтвах па біятлоне «Снежны снайпер» на прызы Прэзідэнцкага спартыўнага клуба. Прайшло амаль два тыдні, а юны спартсмен так і не абнаявіў сертыфікат, атрыманы з рук Аляксандра Лукашэнкі.

Сертыфікаты ўручылі ўсім прызёрам гонкі. Школьнік з Ганцавіцкага раёна ўдзельнічаў у адным забегу з сынам прэзідэнта Мікалаем. Уладзіслаў хутчэй за супернікаў прабег на лыжах больш за два кіламетры і без промахаў трапіў у дзесяць мішэняў.

У выніку Уладзіслаў Гаўдзіс заняў першае месца, другім стаў мінчанін Анатоль Штундзер, трэцім — Мікалай Лукашэнка.

Хлопцам у якасці ўзнагароды падаравалі сертыфікаты на атрыманне грашовай прэміі: за першае месца — 2 000 рублёў, за другое — 1 500 рублёў, за трэцяе месца — 1 000 рублёў.

Як агучылі рэспубліканскія СМІ, сын прэзідэнта перадаў прызавы сертыфікат хлопцам з Языльскай школы Старадарожскага раёна.

Уладзіслаў з Люсінскай школы пакуль не распарадзіўся сваёй прэміяй, таму што не змог абнаявіць падарункавы сертыфікат.

«Мы на гэтым тыдні звярнуліся ў Беларусбанк, але нам сказалі пачакаць да пятніцы», — распавяла мама спартсмена Вольга Гаўдзіс. З яе слоў, гэта іх крыху шакавала, таму што ў час узнагароджання школьнікаў было заяўлена, што свае прызавыя яны змогуць забраць у любым банку.

«Спадзяёмся, што гэта абяцанне будзе выканана», — кажа шматдзетная мама Вольга Гаўдзіс.

nn.by

2
Юрась Беларус / Адказаць
17.03.2018 / 16:56
Абагнаў Колю - цяпер можаш укусіць сертыфікат.
2
З гразі князь / Адказаць
17.03.2018 / 16:59
Проста замест сертыфіката Гаўдзіса ў банку была абналічана Коліна грамата за 3-яе месца. А Гаўдзіс нікуды не дзенецца, пацерпіць. Усё адно будзе другім за Колем.
1
касілер / Адказаць
17.03.2018 / 17:06
хай скажа дзякуй, што  не спагналі дзве тысячы за тое , што колю апярэдзіў
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру