17.03.2018 / 20:48

Берасцейцы знялі народны кліп «Жыць» супраць будаўніцтва акумулятарнага завода ВІДЭА 22

Напярэдадні запісу роліка многія адмовілася ад удзелу ў праекце, бо іх папярэдзілі, што гэта «непажадана», піша «Брэсцкая газета».

На ютуб-канале 17 сакавіка з'явіўся кліп «Жыць», прысвечаны негатыўнаму стаўленню жыхароў Брэста і раёна да з'яўлення акумулятарнага завода «АйПаўэр». Гараджане ў чарговы раз спрабуюць звярнуць увагу чыноўнікаў і грамадскасці на будаўніцтва патэнцыйна небяспечнай вытворчасці, якая, на іх думку, вядзецца са шматлікімі парушэннямі.

Кліп ужо паглядзелі больш за 13 тысяч разоў.

Глядзець кліп на Youtube

У кліпе выкарыстана музыка Ігара Мацвіенкі, якую ён напісаў ад узрушэння авіякатастрофай над Сінайскім паўвостравам, словы — народныя.

«Праца над ролікам доўжылася дзесьці паўтара месяца. Ужо была праведзеная падрыхтоўка, былі знойдзеныя музыканты, студыя і чалавек, які мусіў запісваць увесь відэашэраг. Але літаральна ў апошні момант, напярэдадні здымак, гэтым людзям паведамілі, што ім непажадана гэта рабіць. Вельмі многія адмовіліся ўдзельнічаць у праекце. Прыйшлося зноўку шукаць аператара, студыю, дзе можна было правесці здымку, студыю, дзе можна было запісаць гук, шукаць людзей, якія наклалі б гук на малюнак і гэтак далей. Гэта наш падарунак гораду да яго 1000-годдзя з надзеяй, што мы зможам яго адстаяць», — пракаментавалі стваральнікі роліка.

* * *

Ад пачатку года ў Брэсце і раёне разгарнулася актыўная кампанія супраць з'яўлення акумулятарнага завода «АйПаўэр» у СЭЗ «Брэст». Кіраўніцтва завода, «СЭЗ» і чыноўнікі запэўніваюць, што на ўсіх этапах рэалізацыі праекта заканадаўства не было парушана. Актывісты заяўляюць, што гэта не так, і дамагаюцца як мінімум прыпынення будаўніцтва завода да высвятлення ўсіх тых пытанняў, што хвалююць людзей.

Больш за ўсё жыхары асцерагаюцца шкоды, якую завод можа прынесці экалогіі і іх здароўю. Сабрана больш за 37 тысяч подпісаў мясцовых жыхароў, яны перададзеныя ў Адміністрацыю прэзідэнта.

У знак пратэсту супраць завода ўжо некалькі тыдняў запар людзі выходзілі на плошчу Леніна пакарміць галубоў.

16 сакавіка ў Брэсцкім аблвыканкаме адбылася 5-гадзінная сустрэча тых, хто настроены супраць будаўніцтва завода, з камісіяй, якая была створана па даручэнні прэм'ер-міністра Беларусі і якая павінна даць адказы на ўсе пытанні і праверыць факты, атрыманыя ад жыхароў Брэста і Брэсцкага раёна.

nn.by

4
Захарова Татьяна Викторовна / Адказаць
17.03.2018 / 21:08
Замечательный - Клип !!! Вот она - Воля Народа Брестчины !!! НЕТ - строительству  этого завода  на нашей земле !!!  Если  этот завод (как утверждают  начальнички )  Безопасен - то пусть построят его в Дроздах !  Пусть дети из Дроздов - вдыхаю т все его Безвредные Испарения и выхлопы !!!
10
Хлапец-беларус / Адказаць
17.03.2018 / 21:21
Нихера клипами не добьешься. Протестовать нужно на улице.
5
Саня / Адказаць
17.03.2018 / 22:24
До мурашек! Отлично! Нет свинцовым тучам в Бресте. За чистый и здоровый Брест! Надо защищать Брест как в прошлом году Куропаты. Работайте, братья...
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру