Сенатар Людміла Нарусава падрыхтуе законапраект, які прыраўноўвае апраўданне сталінізму да апраўдання нацызму, паведамляе «Інтэрфакс». Падставай для такога рашэння сталі заявы некаторых кандыдатаў у прэзідэнты.
«Пасля таго, да чаго нас заклікаў [кандыдат у прэзідэнты Максім] Сурайкін, называючы сябе сталіністам, ушаноўваючы Сталіна, я лічу, што трэба, і ў найбліжэйшы час выступлю з такой заканадаўчай ініцыятывай — апраўданне Сталіна прыраўняць да апраўдання нацызму», — цытуе агенцтва Нарусаву.
Паводле яе слоў, на мінулых выбарах двое кандыдатаў былі «адкрытымі сталіністамі» і заклікалі адрадзіць СССР. Сенатар выказала здагадку, што рэалізацыя падобнага плана прывядзе да вайны, паколькі Казахстан, краіны Прыбалтыкі і Паўднёвага Каўказу не захочуць губляць сваю незалежнасць. Нарусава дадала, што гэтыя кандыдаты набралі менш за ўсё галасоў на выбарах, і для яе гэта самае галоўнае.
Раней прэзідэнт Уладзімір Пуцін казаў, што сталінізм нельга параўноўваць з нацызмам, таму што сталінскі рэжым ніколі не ставіў сваёй мэтай знішчэнне цэлых народаў. Пры гэтым Пуцін прызнаваўся, што ў яго складанае стаўленне да дзейнасці Сталіна.
