20.03.2018 / 11:09

Праблемы з тармазамі, два гады без тэхагляду: СК расказаў пра стан грузавіка, які насмерць збіў дзяўчынку ля «Кароны Замак» 5

2 снежня 2017 года грузавік «ЗІЛ» пратараніў людзей на пешаходным пераходзе ля гандлёвага цэнтра «Замак» на мінскім праспекце Пераможцаў. За стырном быў цвярозы 55-гадовы мужчына. Але грузавік паехаў на зялёнае святло.

У выніку аварыі дзяўчынка, 2006 года нараджэння, памерла на месцы здарэння. Яе бабулі, 1961 года нараджэння, брату, 2010 года нараджэння, і яшчэ двум пешаходам прычынены розныя цялесныя пашкоджанні.

Пасля ДТЗ улады нават прыбралі той пешаходны пераход.

Цяпер следства па справе скончылася, паведамляе галоўнае ўпраўленне СК.

Па інфармацыі следчых тэхагляд аўтамабіля не праводзіўся з 2015 года, а ў жніўні 2017 года кіроўца прыцягваўся да адміністрацыйнай адказнасці за кіраванне транспартным сродкам, які не прайшоў дзяржтэхагляд.

Экспертызы паказалі, што машыну нельга было дапускаць да руху: тармазная сістэма, рулявое кіраванне і хадавая частка грузавіка былі няспраўныя. У тым ліку на адным з колаў у працэсе эксплуатацыі аўтамабіля была цалкам зношаная тармазная накладка.

«Таксама следствам устаноўлена, што кіроўца бачыў забараняльны сігнал святлафора і меў магчымасць спыніць аўтамабіль перад стоп-лініяй толькі пры ўмове спраўнасці тармазоў. Акрамя таго, у кіроўцы была магчымасць адвесці транспартны сродак ад пешаходнага пераходу, выехаўшы на газон або агароджу, што дапамагло б прадухіліць трагедыю», — паведамляе Следчы камітэт.

Крымінальная справа накіраваная ў суд. Абвінавачаны — той самы кіроўца — прызнаў віну. Яму пагражае да 5 гадоў пазбаўлення волі.

УШ

1
Ганьба прагніўшаму палітбюро! / Адказаць
20.03.2018 / 11:22
Ну і які сэнс, у такім выпадку, быў прыбіраць пераход? Што няма праблемных пераходаў адразу за другім кальцом па той жа дарозе?
4
zxc / Адказаць
20.03.2018 / 11:35
Тоже не прохожу ТО, но за тормозами слежу. Потому что платить почти 200 рублей ежегодно ни за что, я не собираюсь.
0
Лапух / Адказаць
20.03.2018 / 12:13
Нешта ідзіолухаў рэжымных няма ? 
Таму не бачны іх разважанні пра галоўную прычыну гэтага здарэння - ТЭХАГЛЯД з налохам для новых рэзідэнцый.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру