20.03.2018 / 21:30

У піку візіту Папы ў Вільню мітрапаліт Павел збіраецца прывезці патрыярха Кірыла ў Мінск 56

На прэс-канферэцыі 20 сакавіка Мітрапаліт Павел сказаў журналісту Tut.by, што на восень запланаваны візіт Патрыярха Кірыла і іншых удзельнікаў Сінода РПЦ у Мінск. 

«Прыезд чакаецца 13 кастрычніка. Пакуль план не зацверджаны, магчыма, 15 кастрычніка будзе паседжанне Свяшчэннага Сінода», — сказаў Павел і падкрэсліў, што гэта стане першым у гісторыі паседжаннем Сінода ў Беларусі.

Як стала вядома «Нашай Ніве», меркаваны прыезд патрыярха Кірыла рыхтуецца як своеасаблівы адказ РПЦ на візіт Папы Францішка ў Літву, які, нагадаем, адбудзецца 22—25 верасня. 

«Для Паўла, які дагэтуль служыў у Разані, дзе няма ніводнага каталіка ці пратэстанта, перавод у Мінск стаў вялікім стрэсам. Тут ён убачыў, што ўплыў іншых канфесій вялікі, што трэба быць дыпламатам. Але гэта выходзіць цяжка, калі выходзіць увогуле. А тут і візіт Папы. Яго запалохваюць, што дзясяткі тысяч беларусаў паедуць у Літву, і ён, у рамках свайго разумення, хоча зладзіць аналагічнае паломніцтва да Патрыярха — пажадана, з большай колькасцю беларускіх вернікаў, чым гэта будзе ў Папы», — сказалі нам крыніцы ў царкоўным асяродку.

Мітрапаліт Павел.

«У Паўла вялікія планы адносна Беларусі, і ёсць вялікае супрацьдзеянне гэтым планам з боку часткі беларускага духавенства. Такім чынам, ён таксама хоча ўзмацніць свае пазіцыі з прыездам Патрыярха, магчыма, заручыцца падтрымкай у нейкіх кадравых рашэннях. Хоць расійскі Сінод у Беларусі — гэта, у прынцыпе, нонсэнс, у нас жа ёсць свой Сінод», — дадала крыніца. 

АЯ

3
Верны / Адказаць
20.03.2018 / 21:35
Духоўнае акармленія казачыства ўзмацніцца.
5
По накатанной / Адказаць
20.03.2018 / 21:38
Когда папа, по-моему, приезжал в Украину, то Гундяев пронёсся от Бреста до Гомеля с заездом в Могилёв, метя свою территорию.
 Теперь проедет из Гродно в Витебск, с заездом в Минск, также помечая, как мартовский кот, свою территрию.
6
Спадар Маўзер / Адказаць
20.03.2018 / 21:41
Назіраю за Паўлам.... Якім Беларусам мне падаецца яго папярэднік Філарэт.....
Паказаць усе каментары/ 56 /
Каб пакінуць каментар, калі ласка, актывуйце JavaScript у наладах свайго браўзеру