21.03.2018 / 11:51

І бровар «Талер», які раней варыў піва ў гонар расійскіх спартоўцаў, прысвяціў новы гатунак 100-годдзю БНР 11

Яшчэ адзін невялікі мінскі бровар вырашыў адзначыць 100-годдзе Беларускай Народнай Рэспублікі. Да 25 Сакавіка «Талер» зварыў піва «1918».

Піва выканаана ў стылі Hazy IPA з выкарыстаннем усяго толькі аднаго хмелю. IPA — характаразуецца вялікай горыччу і моцным водарам, усё гэта дабіваецца за кошт хмелю. У звычайным лагерах, якія ў большасці прадаюцца ў крамах, утрыманне хмелю нашмат меншае. Hazy — азначае «мутны», гэтаму стылю ўласцівая вялікая сакавітасць.

«Калектыў бровару «Талер» віншуе ўсіх з важнай датай у нашай гісторыі — стагоддзем абвяшчэння Беларускай Народнай Рэспублікі! Так ужо склалася, што паўнавартасна нашую незалежнасць тады прызнала няшмат краін, адна з іх — Фінляндыя. Таму мы вырашылі сімвалічна падзякаваць фінам, зварыўшы мутны Hazy Single Hop IPA «1918» з жытам, аўсом і адным гатункам хмелю Pekko, які названы ў гонар фінскага бога земляробства і піваварства», — піша ў сваіх сацсетках «Талер».

Гэты бровар прыцягнуў да сябе ўвагу летась, калі прысвяціў піва расійскім спартоўцам, якіх не дапусцілі да выступлення на Алімпіядзе-2018. На этыкетцы было напісана «Расія, наперад». Раней гэты півавары рабілі піва ў гонар Ксеніі Сабчак, Дональда Трампа, Вольгі Бузавай.

Раней піва да 100-годдзя БНР зварыў бровар Blood Brothers Brewery. А яшчэ летась навінку да гэтай самай падзеі выпусціла «Лідскае піва».

Зміцер Панкавец

0
M113 / Адказаць
21.03.2018 / 11:57
Есць Trye, якія не зашкварыліся са спробай злавіць "хайп", і з'яўляюцца найлепшым броварам у РБ. І заснавальнік там ідэйны, акрамя таго, ўсе назвы - беларускамоўныя. Таму, эээ, не. Хай зразумеюць, што такое рэпутацыя.
7
хвалера / Адказаць
21.03.2018 / 12:00
Дык а дзе ж гэтыя гатункі шукаць? Падкажыце хто ведае дзе ё ў продажы
4
Юрась / Адказаць
21.03.2018 / 12:15
Дзякуй, але не трэба.
Таварышы якія і вашым і нашым зараз хай п'юць сваё піва самі.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру