Напярэдадні 25 сакавіка міліцыя затрымала палітычнага актывіста Максіма Вінярскага, але затрымала як? Падчас выгулу сабакі.
У выпадку Вінярскага сабаку пашчасціла — яго забралі сябры.
Але які алгарытм дзеянняў міліцыі (або іншых сілавых служб), калі яны затрымліваюць чалавека з жывёлай?
Як патлумачылі нам супрацоўнікі міліцыі, звычайна праблема вырашаецца проста — затрыманы звязваецца з роднымі і просіць забраць жывёлу сабе, тыя забіраюць.
Калі ж родных ці сяброў у затрыманага няма, ці яны застаюцца глухімі да такой просьбы, то жывёлу, на жаль, аддадуць у службу па адлове жывёл. Там сабаку ці іншага гадаванаца могуць усыпіць, пакуль гаспадар знаходзіцца за кратамі.
Сабака Вінярскага, фота з фэйсбука Яўгена Афнагеля
0
0
0
0
0
0