21.03.2018 / 18:13

КДБ затрымаў за хабар дырэктара Дэпартамента па авіяцыі, былога пілота борта №1 16

20 сакавіка КДБ на гарачым учынку затрымаў дырэктара Дэпартамента па авіяцыі Міністэрства транспарту і камунікацый Беларусі Уладзіміра Косціна пры атрыманні хабару ў памеры 3500 долараў ЗША.

Таксама затрыманы хабарадавальнік — кіраўнік адной з камерцыйных структур, які перадаваў грошы Косціну за спробу вырашэння пытанняў, якія ўваходзяць у яго кампетэнцыю.

Распачатыя крымінальныя справы па ч.3 артыкула 430 («Атрыманне хабару») і ч.2 артыкула 431 («Даванне хабару»). Да іх прыменена мера стрымання ў выглядзе заключэння пад варту.

Паводле інфармацыі на сайце Дэпартамента па авіяцыі, Уладзімір Косцін — пілот 1 класа, агульны налёт — больш за 10 тысяч гадзін. Родам ён з Омскай вобласці. З 1982 года працаваў у Беларускім аб'яднанні грамадзянскай авіяцыі. Спачатку быў другім пілотам, а потым камандзірам Ту-134, Ту-154. У 2003 годзе прайшоў перападрыхтоўку на камандзіра паветранага судна «Боінг-737-300/400/500». Пасля 2005 года быў першым намеснікам старшыні Дзяржкамітэта па авіяцыі, потым, па 2013 год, — намеснікам дырэктара Дэпартамента па авіяцыі Міністэрства транспарту і камунікацый.

Вядома, што большая частка лётнай кар'еры Косціна прыйшлася на пералёты віп-пасажыраў, ён таксама быў пілотам борта № 1.

1
Верны / Адказаць
21.03.2018 / 18:21
Ленін вучыў дзяліцца.
1
Вожык / Адказаць
21.03.2018 / 18:23
A я думаю, можа ад RyanAir..
3
Алексей / Адказаць
21.03.2018 / 18:27
Может и авиакомпания монополист подвязана? Как бы было неплохо, чтобы и монополист по зубам тоже получил, жируют за наш счёт
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру